პოლიტიკა

ირაკლი ბერაია: ლიეტუვა საქართველოს ძალიან მნიშვნელოვანი პარტნიორია და მასთან თანამშრომლობის გაღრმავებას ჩვენ დიდ მნიშვნელობას ვანიჭებთ

03.10.22 14:30


პარლამენტის თავდაცვისა და უშიშროების კომიტეტმა, საქართველოში სამუშაო ვიზიტად მყოფ, ლიეტუვის რესპუბლიკის სეიმის (პარლამენტის) ეროვნული უსაფრთხოებისა და თავდაცვის კომიტეტის დელეგაციის წევრებს უმასპინძლა. შეხვედრაზე მხარეებმა რეგიონული უსაფრთხოების გარემო, საქართველოს წინაშე არსებული საფრთხეები და გამოწვევები, უკრაინაში მიმდინარე საომარი მოქმედებები და საქართველოს საგარეო პოლიტიკური პრიორიტეტები განიხილეს.

 

„შეხვედრაზე ლიეტუველ კოლეგებთან საინტერესო დისკუსია გავმართეთ. განხილვის მთავარ თემას რეგიონული უსაფრთხოება, საქართველოს წინაშე არსებული საფრთხეები და გამოწვევები წარმოადგენდა. ჩვენ ასევე ვისაუბრეთ უკრაინის წინააღმდეგ რუსეთის ფართომასშტაბიან ომზე და იმ მომეტებულ საფრთხეებზე, რომელიც ამ ომმა ჩვენ რეგიონში გააჩინა. სტუმრებს საქართველოს უსაფრთხოების და საგარეო პოლიტიკის უმთავრეს პრიორიტეტებზე, როგორიცაა ნატოში და ევროკავშირში ინტეგრაცია და ამ გზაზე მიღწეულ პროგრესზე ინფორმაცია გავაცანით. ლიეტუვა საქართველოს ძალიან მნიშვნელოვანი პარტნიორია და მასთან თანამშრომლობის გაღრმავებას ჩვენ დიდ მნიშვნელობას ვანიჭებთ“, - განაცხადა თავდაცვისა და უშიშროების კომიტეტის თავმჯდომარემ, ირაკლი ბერაიამ.

 

მისივე შეფასებით, ლიეტუველი კანონმდებლების საქართველოში ვიზიტი ორ ქვეყანას შორის თანამშრომლობის გაძლიერების კუთხით კიდევ ერთი წინ გადადგმული ნაბიჯია, რაც განსაკუთრებით საპარლამენტო განზომილებას და საკომიტეტო ფორმატში ურთიერთობების გამყარებას შეეხება.

 

ვიზიტის ფარგლებში ლიეტუვის საპარლამენტო დელეგაციის წევრები, რომლის შემადგენლობაში ეროვნული უსაფრთხოებისა და თავდაცვის კომიტეტის თავმჯდომარე, სეიმის ვიცე-სპიკერი და კომიტეტის წევრები შედიან, ნატო-საქართველოს ერთობლივ საწვრთნელ ინფრასტრუქტურას მოინახულებენ და აღმასრულებელი ხელისუფლების წარმომადგენლებს შეხვდებიან.

 

 

 


წყარო : /www.imedinews.ge/

წაკითხულია : 208


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები