პოლიტიკა

შალვა პაპუაშვილი გერმანიის ბუნდესტაგის დეპუტატსა და საგარეო საქმეთა საკითხებში სოციალ-დემოკრატიული პარტიის მომხსენებელს შეხვდა

01.12.22 10:00


საქართველოს პარლამენტის თავმჯდომარე შალვა პაპუაშვილი გერმანიის ფედერაციული რესპუბლიკის ბუნდესტაგის დეპუტატსა და საგარეო საქმეთა საკითხებში სოციალ-დემოკრატიული პარტიის მომხსენებელს, ნილს შმიდს შეხვდა.

 

საქართველოს პარლამენტის პრესსამსახურის ინფორმაციით, შალვა პაპუაშვილმა ყურადღება გაამახვილა გერმანიის მხრიდან საქართველოს მხარდაჭერაზე ევროკავშირში გაწევრიანების გზაზე და ისაუბრა საქართველოს პროგრესზე ევროპული საბჭოს 12 რეკომენდაციის შესრულების კუთხით.

 

„მხარეებმა ისაუბრეს საქართველო-გერმანიის საპარლამენტო კავშირებისა და პარტიებს შორის თანამშრომლობის გაღრმავებაზე. შეხვედრაზე, აგრეთვე, საუბარი შეეხო რუსეთის აგრესიას უკრაინაში და მის მძიმე შედეგებს.

 

საქართველოს საპარლამენტო დელეგაცია პარლამენტის თავმჯდომარის, შალვა პაპუაშვილის ხელმძღვანელობით, ვიზიტის ფარგლებში, გერმანიის დედაქალაქში მაღალი პოლიტიკური თანამდებობის პირებთან ორმხრივ შეხვედრებს მართავს.

 

დელეგაციის შემადგენლობაში პარლამენტის თავმჯდომარესთან ერთად, ნიკოლოზ სამხარაძე, ანრი ოხანაშვილი, ლევან კობიაშვილი, ნინო იობაშვილი, ირაკლი შატაკიშვილი და ხათუნა სამნიძე შედიან“, - აღნიშნულია ინფორმაციაში.

 

 

წყარო  :  IPN /www.interpressnews.ge/

წაკითხულია : 361


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები