პოლიტიკა

შალვა პაპუაშვილი გერმანიის ბუნდესტაგში ქართულ-გერმანული ფორუმის წევრებს შეხვდა

01.12.22 16:20


საქართველოს პარლამენტის თავმჯდომარე შალვა პაპუაშვილი გერმანიის ფედერაციული რესპუბლიკის ბუნდესტაგში არსებულ ქართულ-გერმანული ფორუმის წევრებს შეხვდა.

 

პარლამენტის პრესსამსახურის ინფორმაციით, მხარეებმა დადებითად შეაფასეს ქართულ-გერმანული ფორუმის წვლილი საქართველო-გერმანიის ურთიერთობების განმტკიცებასა და გაფართოებაში.

 

 

შალვა პაპუაშვილმა აღნიშნა, რომ ფორუმი ქმნის დამატებით პლატფორმას ორ ქვეყანას შორის ინსტიტუციური პარტნიორობის გაძლიერებისთვის. შალვა პაპუაშვილი ფორუმის წევრებს ესაუბრა საქართველოს პროგრესზე ევროკავშირსა და ნატო-ში გაწევრიანების გზაზე და ხაზი გაუსვა გერმანიის მხარდაჭერის მნიშვნელობას.

 

ქართულ-გერმანული ფორუმის წევრებმა ორ ქვეყანას შორის პოლიტიკური, ეკონომიკური, კულტურული და სამეცნიერო თანამშრომლობის გაძლიერების მზაობა გამოხატეს და აღნიშნეს, რომ გერმანია მხარს უჭერს საქართველოსთვის ევროკავშირის კანდიდატის სტატუსის მინიჭებას.

 

„მივესალმები და მოხარული ვართ, რომ ვუმასპინძლეთ საქართველოს დელეგაციას. ჩვენ მზად ვართ, დავეხმაროთ საქართველოს ევროპაში ინტეგრაციის და ნატო-ში გაწევრიანების გზაზე. ჩვენ გვახარებს თქვენი ქვეყნის პროგრესი და ის, რომ საქართველოსთან დიპლომატიური ურთიერთობების დიდი ისტორია გვაკავშირებს“, – განაცხადა ქართულ-გერმანული ფორუმის პრეზიდენტმა, იოსეფ რიფმა.

 

პარლამენტის ინფორმაციით, საქართველოს საპარლამენტო დელეგაცია პარლამენტის თავმჯდომარის, შალვა პაპუაშვილის ხელმძღვანელობით, ვიზიტის ფარგლებში, გერმანიის დედაქალაქში მაღალი პოლიტიკური თანამდებობის პირებთან ორმხრივ შეხვედრებს მართავს. პარლამენტის თავმჯდომარესთან ერთად, დელეგაციის შემადგენლობაში შედიან: ნიკოლოზ სამხარაძე, ანრი ოხანაშვილი, ლევან კობიაშვილი, ნინო იობაშვილი, ირაკლი შატაკიშვილი და ხათუნა სამნიძე.

 

 

 

წყარო :  /www.1tv.ge/

წაკითხულია : 226


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები