პოლიტიკა

სალომე სამადაშვილი: ერთ-ერთი მთავარი საკითხი, რომელსაც აკვირდება უახლოეს დღეებში ევროკავშირი, ეს არის სახალხო დამცველის დანიშვნის თემა

06.12.22 14:30


ფრაქცია „ლელოს“ წევრის, სალომე სამადაშვილის განცხადებით, მთავარი საკითხი, რასაც უახლოეს დღეებში ევროკავშირი აკვირდება, სახალხო დამცველის დანიშვნის თემაა.

 

მისი თქმით, მიშვნელოვანია, რომ ერთი თემა მაინც დაიხუროს მიმდინარე წელს.

 

„ერთ-ერთი მთავარი საკითხი, რომელსაც აკვირდება უახლოეს დღეებში ევროკავშირი, ეს არის სახალხო დამცველის დანიშვნის თემა. დღევანდელი მდგომარეობით, შეიძლება ითქვას, რომ ჩვენ მაინც და მაინც დიდი პროგრესი არცერთი მიმართულებით არ გვაქვს და შესაბამისად, მიშვნელოვანია, რომ ერთი თემა მაინც დაიხუროს მიმდინარე წელს“, - განაცხადა სალომე სამადაშვილმა.

 

პარლამენტში შეხვედრებს ევროკავშირის მისიის წარმომადგენლები მართავენ. დეპუტატები მათ 12 რეკომენდაციის შესრულების პროცესზე ინფორმაციას აწვდიან. შეხვედრები საპარლამენტო ოპოზიციასთან მიმდინარეობს. საუბარი იყო მართლმსაჯულების რეფორმაზე, სახალხო დამცველის არჩევასა და საარჩევნო რეფორმაზე. დღესვე ევროკავშირის მისიის წარმომადგენლები შეხვედრას მმართველი გუნდთან გამართავენ.

 

 

 

 

წყარო :  /www.imedinews.ge/

წაკითხულია : 226


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები