პოლიტიკა

ირაკლი ღარიბაშვილი: ჩვენ უკრაინაში ათას ტონაზე მეტი ჰუმანიტარული ტვირთი გავაგზავნეთ, რაც შეეხება სამხედრო დახმარებას, ჩვენ ამას არ გავაკეთებთ

07.12.22 17:20


მას შემდეგ, რაც უკრაინაში ეს საშინელი ომი დაიწყო, მთელი ერი, მთელი საზოგადოება მთავრობასთან ერთად გავერთიანდით და ათას ტონაზე მეტი ჰუმანიტარული ტვირთი გავაგზავნეთ. „უკრაინის ფოსტის“ მონაცემების მიხედვით, 190 ქვეყანას შორის ვიყავით პირველ ადგილზე. იქამდე ჩვენ დავეხმარეთ უკრაინელ დევნილებს, ლტოლვილებს, მაქსიმალური მხარდაჭერა აღმოვუჩინეთ მათ და ახლაც გრძელდება ეს დახმარება, - ამის შესახებ ჟურნალისტებს პრემიერ-მინისტრმა ირაკლი ღარიბაშვილმა განუცხადა.

 

„უკრაინელი ბავშვები აქ იღებენ განათლებას უკრაინულ სკოლებში, რომელიც ჩვენ გავხსენით. რაც შეეხება სხვა ჰუმანიტარულ დახმარებას, ჩვენ კიდევ ერთხელ განვიხილავთ, დახმარების საშუალებებს გამოვნახავთ და რა თქმა უნდა ამ დახმარებას გავაგრძელებთ. რაც შეეხება სამხედრო დახმარებას, ჩვენ ამაზე ნათლად, ცხადად და მკაფიოდ ვთქვით, რომ ჩვენ ამას არ გავაკეთებთ. ჩვენ ამ ომში, კონფლიქტში, როგორც სახელმწიფო არასოდეს არ ჩავერთვებით. ეს არის ჩვენი მკაფიო პოზიცია. ჩვენ, როგორც მმართველი გუნდი, პასუხისმგებელი ვართ ჩვენი ხალხის წინაშე“, - განაცხადა ირაკლი ღარიბაშვილმა.

 

 

წყარო :  /www.imedinews.ge/

წაკითხულია : 190


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები