პოლიტიკა

კახა კალაძე: „მზიურის“ იმ ტერიტორიაზე, რომელიც მერიამ ცოტა ხნის წინ დაიბრუნა, სამშენებლო სამუშაოები მიმდინარე კვირაში დაიწყება

01.02.23 12:30


თბილისის მერის კახა კალაძის განცხადებით, „მზიურის“ იმ ტერიტორიაზე, რომელიც თბილისის მერიამ ცოტა ხნის წინ დაიბრუნა, საფეხმავლო ბილიკები, საბავშვო და სპორტული მოედნები, საპიკნიკე არეალი, ცხოველების სასეირნო ზონა, ფანჩატური, გარე განათების, ვიდეომეთვალყურეობისა და სარწყავი სისტემები მოეწყობა.

 

სიახლის შესახებ კალაძემ დედაქალაქის მთავრობის სხდომაზე ისაუბრა.

 

„როგორც იცით, თბილისის მერიამ, ადგილმონაცვლეობის გზით, „მზიურის“ ტერიტორიაზე კერძო საკუთრებაში არსებული, 18 000-მდე კვადრატული მეტრი ფართობის მიწა დაიბრუნა, სადაც რეკრეაციული სივრცის მოწყობა იგეგმება. აღნიშნულ ტერიტორიაზე, თბილისის მერიის გარემოს დაცვის საქალაქო სამსახურმა რეკრეაციული ზონის მოსაწყობად პროექტი მოამზადა. პროექტის მიხედვით, ტერიტორიაზე საფეხმავლო ბილიკები, საბავშვო და სპორტული მოედნები, საპიკნიკე არეალი, ცხოველების სასეირნო ზონა, ფანჩატური, გარე განათების, ვიდეომეთვალყურეობისა და სარწყავი სისტემები მოეწყობა. ჩატარდება გამწვანებისთვის ყველა საჭირო ღონისძიება: დაირგვება სხვადასხვა სახეობის მწვანე ნარგავი და დაითესება ბალახი. სამშენებლო სამუშაოები მიმდინარე კვირაში დაიწყება და ივნისში დასრულდება. სამუშაოების ღირებულება 1 500 000 ლარს შეადგენს“, - განაცხადა კალაძემ.

 

 

წყარო :  /www.imedinews.ge/

წაკითხულია : 235


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები