პოლიტიკა

ახლა მთავარი კითხვაა - რას ვშვრებით ჩვენ, ვეგუებით თუ არა სახელმწიფო ინტერესების ღალატს - ელენე ხოშტარია აბაშიძე-კარასინის აუდიოჩანაწერზე

02.02.23 13:00


პარტია „დროას“ ლიდერი ელენე ხოშტარია პარლამენტში გამართულ ბრიფინგზე საქართველოს პრემიერ-მინისტრის სპეციალური წარმომადგენლის ზურაბ აბაშიძისა და რუსეთის წარმომადგენლის გრიგორი კარასინის მედიით გავრცელებულ აუდიოჩანაწერს გამოეხმაურა. 

 

ხოშტარიას თქმით, ასე ხდება, მაშინ როდესაც ქვეყანას ოლიგარქი მართავს და ხალხის უკან რუსულ პოლიტიკას ატარებს. 

 

„აქ არის საუბარი არა საქართველოს ინტერესებზე, არა ჩვენს ოკუპაციაზე, არა ჩვენს უსაფრთხოებაზე, არა ჩვენი ინტერესების დაცვაზე, არა უკრაინაში დახოცილ ბავშვებზე, არა იმ ბოროტებაზე, რომელსაც რუსეთი სჩადის, არამედ ლაპარაკია რუსეთის მხრიდან საქართველოს მთავრობის კმაყოფილებაზე რაღაცა საკუთარი ინტერესების შესახებ. 

 

ასე ხდება, როდესაც არაფორმალური ოლიგარქი ჩვენს ზურგს უკან ატარებს რუსულ პოლიტიკას. გასაკვირი არ არის, კარასინიც რეაქციაც ვნახეთ და სხვას არაფერს არ უნდა ველოდოთ „ქართული ოცნების“ მხრიდან. მთავარი კითხვა არის რას ვშვრებით ჩვენ? ვეგუებით თუ არა პრორუსული, რუსული უმცირესობის მხრიდან ჩვენი სახელმწიფო ინტერესების ღალატს და მიტაცებას. რა თქმა უნდა, ქართულ საზოგადოებაში პასუხი არის არა. 

 

24 თებერვალი განმსაზღვრელია ცივილიზებული სამყაროსი და ის დღეა, როდესაც ეს „არა“, ყველამ ერთად, ქართულმა საზოგადოებამ რუსეთს უნდა ვუთხრათ“, - აცხადებს ელენე ხოშტარია. 

 

 

წყარო :  /www .pia.ge/

წაკითხულია : 352


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები