პოლიტიკა

კარგია, რომ მოხდა უცხოური აგენტების კანონპროექტის გაწვევა, ეს იყო ერთადერთი მართებული გზა - ანალენა ბერბოკი

24.03.23 13:40


გერმანიის საგარეო საქმეთა მინისტრი ანალენა ბერბოკი აცხადებს, რომ საქართველოს პარლამენტიდან ე.წ. აგენტების კანონპროექტის გაწვევა ერთადერთი მართებული გზა იყო. როგორც ბერბოკმა საქართველოს საგარეო საქმეთა მინისტრთან შეხვედრის შემდეგ გამართულ პრესკონფერენციაზე განაცხადა, მიესალმება იმას, რომ ხელისუფლებამ კრიტიკის პასუხად, კანონპროექტი გაიწვია.

 

„მე, როგორც პოლიტიკოსი ვიტყვი, რომ ეს არ არის სისუსტე, ეს არის სიძლიერე, როდესაც მიიღებ კრიტიკას და ასევე შეასრულებ ამ კრიტიკულ შენიშვნებს. რა თქმა უნდა, იყო კრიტიკა უცხოური აგენტების კანონპროექტზე.  კარგია, რომ მოხდა გაწვევა. ეს არის ჩემთვის ერთადერთი მართებული გზა, ამიტომ, უდიდესი პატივი უნდა ვცეთ ამ გადაწყვეტილებას. ეს არის კრიტიკა საკუთარი საზოგადოებიდან, ასევე გარკვეული მითითებები გარედან. ეს არ არის, სისუსტე, ეს არის გაძლიერების ხელშეწყობა ევროკავშირისკენ მიმავალ გზაზე. მე ვფიქრობ, ეს ყველაფერი უსვამს ხაზს, თუ რამდენად დიდია საქართველოს მოსახლეობის სურვილი ევროკავშირში შესვლისა“, - განაცხადა ანალენა ბერბოკმა. 

 


შეგახსენებთ, გერმანიის საგარეო საქმეთა მინისტრი საქართველოში ვიზიტით იმყოფება.

 

 

წყარო :  /www .pia.ge/

წაკითხულია : 343


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები