პოლიტიკა

ილია დარჩიაშვილი - საქართველო-რუსეთის ურთიერთობები შემოიფარგლება ჟენევის საერთაშორისო მოლაპარაკებებით, სადაც ვსაუბრობთ ჰუმანიტარულ საკითხებზე და ცეცხლის შეწყვეტის შეთანხმებაზე

24.03.23 14:00


საქართველო-რუსეთის ურთიერთობები შემოიფარგლება ერთი საერთაშორისო პლატფორმით, ჟენევის საერთაშორისო მოლაპარაკებებით, – ამის შესახებ საქართველოს საგარეო საქმეთა მინისტრმა, ილია დარჩიაშვილმა რუსეთთან ურთიერთობის შესახებ დასმული კითხვის საპასუხოდ განაცხადა.

 

ჟურნალისტმა მინისტრს ჰკითხა, როგორ აფასებს საქართველო-რუსეთის ამჟამინდელ ურთიერთობებს და არსებობს პირდაპირი ფრენებისა და კომუნიკაციის აღდგენის მცდელობა.

 

მინისტრის თქმით, ჟენევის ფორმატში რუსეთთან ორ მთავარ მიმართულებაზე ჰუმანიტარულ საკითხებზე და ცეცხლის შეწყვეტის შეთანხმებაზე არის საუბარი.

 

„საქართველო-რუსეთის ურთიერთობები შემოიფარგლება მხოლოდ ერთი საერთაშორისო პლატფორმით, რომელსაც ჩვენ ვეძახით ჟენევის საერთაშორისო მოლაპარაკებებს. ეს არის ერთადერთი ფორმატი, სადაც ჩვენ გაქვს კომუნიკაცია ჩვენს პარტნიორებთან ერთად. სწორედ ამ პლატფორმის ფარგლებში ვსაუბრობთ ორ მთავარ მიმართულებაზე, ეს არის ჰუმანიტარული საკითხები, რომელიც ეხება მოქალაქეებს და მეორე არის ცეცხლის შეწყვეტის შეთანხმება. ეს ძალიან მნიშვნელოვანია იმისთვის, რომ იმ პროცესმა და თვითონ პლატფორმა რა მიზანსაც ემსახურებოდა, მოგვცეს თავისი კონკრეტული შედეგები“, – განაცხადა დარჩიაშვილმა.

 

 

წყარო :  /www.1tv.ge/

წაკითხულია : 172


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები