პოლიტიკა

დაახლოებით იგივეა, ბრეივიკს მისცენ – ღარიბაშვილი სააკაშვილისთვის ნორვეგიული პრიზის გადაცემაზე

27.03.23 13:00


პრემიერ-მინისტრმა ირაკლი ღარიბაშვილის თქმით, მიხეილ სააკაშვილისთვის ნორვეგიული პრიზის გადაცემა ქართველი ხალხის შეურაცხყოფა და დაცინვაა.

 

კერძოდ, მიხეილ სააკაშვილს ნორვეგიელი პოლიტიკოსის შურ ლინდერბრექეს სახელობის პრიზი გადაეცა ადამიანის უფლებებისთვის და დემოკრატიისთვის ბრძოლის საქმეში.

 

რადგან სააკაშვილს ჯილდო ნორვეგიელებმა გადასცეს, ღარიბაშვილმა პარალელი ნორვეგიელ ტერორისტს ანდრეს ბრეივიკთან გაავლო და სააკაშვილი მას შეადარა.

 

„წარმოიდგინეთ, რამხელა დაცინვა და შეურაცხყოფაა ჩვენი ხალხის, რომ მთელ მსოფლიოში ცნობილი ავტორიტარული, თითქმის დიქტატორული ყოფილი მმართველი სააკაშვილი, რომელიც იყო მჩაგვრელი, მკვლელი სისტემის შემოქმედი, დააჯილდოვეს ადამიანის უფლებების დარგში მიღწეული რაღაცისთვის… ეს ხომ დაცინვაა ჩვენი ხალხის, ეს ხომ წარმოუდგენელია. ამიტომ ეს არის დაცინვა ჩვენი ხალხის და რა თქმა უნდა, ეს არაფერს არ ნიშნავს.

 

ეს არის დაახლოებით იგივე, არ მინდა მძიმე შემთხვევა გავიხსენო, მაგრამ რადგან ნორვეგიის ამ ორგანიზაციიდან ასეთი დამოკიდებულებაა, ნორვეგიაში გახსოვთ, რომ ბრეივიკმა ძალიან ბევრი ადამიანი დახოცა. აი, დაახლოებით იგივეა, რომ რომელიღაც ქვეყანამ რომ ბრეივიკს მისცეს ეს… სააკაშვილმა ასობით ადამიანი, ახალგაზრდა ჩახოცა პირდაპირ, მისმა რეჟიმმა… აღძრულიც არის საქმე და რამდენიმე არის დაკავებული. სააკაშვილი გასამართლებულია გირგვლიანის მკვლელობის საქმეში მონაწილეობისთვის. მისი რეჟიმი იყო მკვლელი რეჟიმი“, – განაცხადა ღარიბაშვილმა.


ანდრეს ბრეივიკი 2011 წელს მოწყობილი თავდასხმის  77 ადამიანი მოკლა. 2011 წლის 22 ივლისს ბრეივიკმა ბომბი ჯერ ოსლოს ერთ–ერთ უბანში ააფეთქა და შემდეგ კუნძულ უტოიაზე გადავიდა, სადაც ის ადამაინები დახოცა, რომლებიც ზაფხულის ბანაკში  ნორვეგიის ლეიბორისტული პარტიის წვეულებას ესწრებოდნენ.

 

 

 

წყარო :  /www. netgazeti.ge/

წაკითხულია : 145


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები