პოლიტიკა

მიხეილ სარჯველაძე: ვფიქრობ, მამუკა ხაზარაძე კარგად ხვდება, რომ ქვეყნის წინააღმდეგ ოპოზიციის ასეთი მიზანმიმართული, მტრული მუშაობა, შეწყნარებული ვერ იქნება ვერც ევროპელი კოლეგების მხრიდან

27.03.23 17:00


ვფიქრობ, ხაზარაძეც იმიტომ აკეთებს ამ განცხადებებს, რომ ის კარგად ხვდება, ოპოზიციის ასეთი მიზანმიმართული, მტრული მუშაობა ქვეყნის წინააღმდეგ, შეწყნარებული ვერ იქნება, მათ შორის ვერც ევროპელი კოლეგების მხრიდან, - ამის შესახებ საპარლამენტო უმრავლესობის წევრმა, ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, მიხეილ სარჯველაძემ განაცხადა.

 

მან კომენტარი გააკეთა „ლელოს“ ლიდერის, მამუკა ხაზარაძის განცხადებაზე და ასევე, ქვეყნისთვის კანდიდატის სტატუსის მინიჭების საკითხში რადიკალური ოპოზიციის დესტრუქციული ქმედებები შეაფასა.

 

„ხაზარაძის განცხადება, პრაქტიკულად დასტურია და კიდევ ერთი მტკიცებულებაა იმისა, რომ რასაც ამ ხნის განმავლობაში „ქართული ოცნება“ ამბობდა, რაზეც ვსაუბრობდით, მაგალითად, გასული წლის ზაფხულში მიღებული გადაწყვეტილებისას, სამწუხაროდ, ძალიან აქტიურად იმუშავა ჩვენმა ოპოზიციამ, რათა ქვეყნისთვის კანდიდატის სტატუსის მინიჭება არ მომხდარიყო. წარმატება, რომელიც ქვეყანას ჰქონდა, არ ყოფილიყო ასოცირებული არ ყოფილიყო ამ ხელისუფლების წარმატებასთან. აბსოლუტურად მცდარია შეხედულება, როდესაც საუბრობენ მოსახლეობამ დაიმსახურა, ხელისუფლებამ ვერ დაიმსახურა. ქვეყანა იმსახურებს, რომელიც რა თქმა უნდა, ხალხისა და ხელისუფლებისგან შედგება.

 

ქალბატონი სამადაშვილი ამ ყველაფერში შემჩნეული იყო. პირადად მე არ გამოვრიცხავ, რომ სამადაშვილის რიტორიკაც ამ მიმართულებით შეიცვალოს. ვფიქრობ, ხაზარაძეც იმიტომ აკეთებს ამ განცხადებებს, რომ ის კარგად ხვდება, რომ ოპოზიციის ასეთი მიზანმიმართული, მტრული მუშაობა ქვეყნის წინააღმდეგ, შეწყნარებული ვერ იქნება, მათ შორის ვერც ევროპელი კოლეგების მხრიდან“, - განაცხადა სარჯველაძემ.

 

„ლელოს“ ლიდერის, მამუკა ხაზარაძის განცხადებით, არსებობს პოზიცია, რომ „ქართული ოცნების“ პირობებში არ უნდა იყოს მიღებული კანდიდატის სტატუსი, რასაც როგორც ხაზარაძე ამბობს, იგი არ ეთანხმება.

 

 

წყარო :  /www.imedinews.ge/

წაკითხულია : 136


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები