პოლიტიკა

მთვრალი მძღოლი პატრულის მანქანას დაეჯახა, ორი პოლიციელი ადგილზე დაიღუპა — შსს

17.05.23 12:40


ქარელში მომხდარ ავტოავარიას საპატრულო პოლიციის ორი თანამშრომელი ემსხვერპლა. ამის შესახებ ინფორმაციას შინაგან საქმეთა სამინისტრო ავრცელებს.

 

შსს-ს ცნობით, ავტოავარია გამოიწვია არაფხიზელ მდგომარეობაში მყოფმა პირმა, რომელიც დიდი სიჩქარით მოძრაობისას საავტომობილო გზის პირას მდგომ საპატრულო პოლიციის ეკიპაჟს დაეჯახა, რის შედეგადაც პოლიციის ორი თანამშრომელი: ომარ ქარელი და ვანო ბასანიძე ადგილზე გარდაიცვალნენ.

 

მძღოლი, რომელიც პატრულის მანქანას დაეჯახა, დაკავებულია.

 

გამოძიება სისხლის სამართლის კოდექსის 276-ე მუხლის მე-9 ნაწილით მიმდინარეობს, რაც ალკოჰოლის ზემოქმედების ქვეშ, ტრანსპორტის მოძრაობის უსაფრთხოების წესის დარღვევას გულისხმობს, რამაც ორი ადამიანის სიცოცხლის მოსპობა გამოიწვია.

 

 

წყარო :  /www. netgazeti.ge/

წაკითხულია : 316


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები