პოლიტიკა

სუს-მა პარლამენტს გასული წლის ანგარიში გააცნო

25.05.23 11:20


სახელმწიფო უსაფრთხოების სამსახურმა პარლამენტს გასული წლის ანგარიში გააცნო. საქართველოს ეროვნული უსაფრთხოების მთავარ გამოწვევად ისევ რჩება რუსეთის მიერ აფხაზეთისა და ცხინვალის რეგიონის ოკუპაცია და ქვეყნის ოკუპირებულ რეგიონებში უკანონოდ განლაგებული რუსეთის სამხედრო კონტინგენტი.

 

დოკუმენტში ნათქვამია, რომ 2022 წელს კიდევ უფრო მკაფიოდ გამოიკვეთა ოკუპირებულ აფხაზეთსა და ცხინვალის რეგიონში მიმდინარე ანექსიური პროცესები. სუსის ანგარიშის მიხედვით, რუსეთის მიერ უკრაინაში წარმოებული ომი დამატებით მნიშვნელოვან გამოწვევებს უქმნიდა საქართველოს უსაფრთხოებას და ტერიტორიულ მთლიანობას, ზრდიდა წნეხს ეკონომიკასა და სოციალურ-პოლიტიკურ სტაბილურობაზე. გამოწვევებს შორის სახელმწიფო უსაფრთხოების სამსახური ასახელებს უცხო ქვეყნების სპეციალური სამსახურების სადაზვერვო საქმიანობას. ე.წ - ლი ჰიბრიდული ომის ინსტრუმენტების გამოყენებით ცდილობდნენ საქართველოს საზოგადოებრივ- პოლიტიკურ პროცესებში ჩარევას. ისევ აქტუალურია საერთაშორისო ტერორიზმისა და ძალადობრივი ექსტრემიზმისგან მომდინარე საფრთხე.

 

ანგარიშში წერია, რომ გეოპოლიტიკური კრიზისისა და ფართომასშტაბიანი საომარი მოქმედებების გათვალისწინებით, სუსმა უზრუნველყო უცხო ქვეყნის სპეციალური სამსახურებისა და ცალკეული დესტრუქციული ძალებისგან მრავალმხრივ მომდინარე უსაფრთხოების რისკის ეფექტიანი მართვა.

 

 

წყარო :  /www.imedinews.ge/

წაკითხულია : 127


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები