პოლიტიკა

საქართველოს საპარლამენტო დელეგაცია ყაზახეთის ახალი მოწვევის პარლამენტის მაჟილისის თავმჯდომარის მოადგილეს შეხვდა

25.05.23 17:00


საქართველო-ყაზახეთის საპარლამენტთაშორისო მეგობრობის ჯგუფის დელეგაცია ყაზახეთში იმყოფება.

 

დელეგაცია, რომელსაც დავით მათიკაშვილი ხელმძღვანელობს ყაზახეთის რესპუბლიკის ახალი მოწვევის პარლამენტის მაჟილისის თავმჯდომარის მოადგილე, ალბერტ რაუს შეხვდა.

 

საქართველოს პარლამენტის პრესსამსახურის ცნობით, მხარეებმა, მსჯელობისას ხაზი გაუსვეს საპარლამენტო დიპლომატიის განვითარების უდიდეს მნიშვნელობას, ორ ქვეყანას შორის თანამშრომლობის გაღრმავების და ხალხთა შორის კეთილმეგობრული კავშირების დამყარებისთვის.

 

„შეხვედრაზე, ასევე ისაუბრეს ორ ქვეყანას შორის 30 წლიან დიპლომატიურ ურთიერთობებზე და შემდგომ პერსპექტივებზე. განხილვის მთავარი თემები იყო: ეკონომიკა, ენერგეტიკა, სატრანსპორტო პოლიტიკა, ტურიზმი, სოფლის მეურნეობა, ვაჭრობა, კულტურა და განათლება.

 

ყაზახურმა მხარემ პირობა დადო, რომ ახალი მოწვევის მაჟილისში, უმოკლეს პერიოდში შეიქმნება საქართველოს პარლამენტთან მეგობრობის ჯგუფი და დაუყოვნებლივ ეცნობება ქართულ მხარეს.

 

საქართველოს დელეგაციამ, მადლიერება გამოხატა ყაზახური მხარის მიერ საქართველოს სუვერენიტეტის, ტერიტორიული მთლიანობის და ოკუპირებული ტერიტორიების ე.წ. თვითგამოცხადებული რესპუბლიკების არაღიარების პოლიტიკის მტკიცე მხარდაჭერისთვის.

 

შეხვედრის ბოლოს ქართულმა დელეგაციამ მასპინძლები მიიწვია ყაზახეთის რესპუბლიკაში საქართველოს საელჩოს მიერ საქართველოს დამოუკიდებლობის დღისადმი მიძღვნილ მიღებაზე, რომელიც 26 მაისს ქ. ასტანაში გაიმართება“, - ნათქვამია გავრცელებულ ინფორმაციაში.

 

 

 

წყარო  :  IPN /www.interpressnews.ge/

წაკითხულია : 172


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები