პოლიტიკა

მამუკა მდინარაძე: ან ტერიტორიები, ან ევროპულობა - ასე საკითხი არ უნდა იდგეს, ეს არის ყველაზე ანტიეროვნული ნარატივი

30.05.23 17:00


ამის დამკვიდრება უნდათ, რომ იმდენად დიადი მიზანია ევროპული მომავალი, რომ შეიძლება ტერიტორიებზეც კი თქვა უარი, ეს არის ანტიეროვნული. პირველი რიგის ამოცანა და კონსტიტუციაშიც წერია, ეს არის ამ ქვეყნის ერთიანობა და შემდეგ მოდის ევროპული მომავალი, ევროპული ოჯახის სრულფასოვანი წევრობა, - ამის შესახებ ჟურნალისტებს „ქართული ოცნების“ აღმასრულებელმა მდივანმა, მამუკა მდინარაძემ განუცხადა.

 

„ერთ-ერთმა პროპაგანდისტმა, ფადი ასლიზე მაქვს საუბარი, რამდენიმე დღის წინ გატესტა ყველაზე ცუდი რამ საქართველოსთვის, თუკი რაიმე შეიძლება იყოს. ალტერნატივად დააყენა ერთი მხრივ ევროპული მომავალი, მეორე მხრივ კი - ტერიტორიები. მახსოვს, „ნაცების“ პერიოდში, 2010-2011 წლებში იყო ეს, თუ არ ვცდები, ამ საკითხის გატესტვა მაშინაც მიდიოდა ხოლმე, რომ ამათ გარეშე ხომ არ ვიზრუნოთ ევროპულ მომავალზე. ეს არის ყველაზე ანტიეროვნული ნარატივი, იმიტომ, რომ ან ერთი, ან მეორე - ასე საკითხი არ უნდა იდგეს. ორივე - ტერიტორიული მთლიანობა და ამ ქვეყნის ევროპული ოჯახის სრულფასოვანი წევრობა. ეს არის ეროვნული მიზანი. ამის დამკვიდრება უნდათ, რომ იმდენად დიადი მიზანია ევროპული მომავალი, რომ შეიძლება ტერიტორიებზეც კი თქვა უარი, ეს არის ანტიეროვნული. პირველი რიგის ამოცანა, და კონსტიტუციაშიც წერია, ეს არის ამ ქვეყნის ერთიანობა და შემდეგ მოდის ევროპული მომავალი, ევროპული ოჯახის სრულფასოვანი წევრობა. მავნებლობაა საკითხის ასე დასმა - ევროპულობის სანაცვლოდ ტერიტორიები, თუ ტერიტორიების სანაცვლოდ ევროპულობა. ეროვნული მიზანია ერთიც და მეორეც. პირველი - ტერიტორიების დაბრუნება, ხალხის დაბრუნება მშვიდობით, განვითარებითა და პროგრესით, მეორე - ევროპული ოჯახის სრულფასოვანი წევრობა“, - აღნიშნა მდინარაძემ.

 

 

 

წყარო :  /www.imedinews.ge/

წაკითხულია : 172


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები