პოლიტიკა

გიორგი ბოტკოველი - ირაკლი ღარიბაშვილმა პირდაპირ პუტინის გზავნილები გააჟღერა

31.05.23 15:20


ირაკლი ღარიბაშვილი არის ჩვეულებრივი მოღალატე ამ ქვეყნის, რომელმაც გუშინ პირდაპირ პუტინის გზავნილები გააჟღერა, - ამის შესახებ „ერთიანი ნაციონალური მოძრაობის“ რეგიონულმა მდივანმა, გიორგი ბოტკოველმა განაცხადა, რითაც პრემიერ - მინისტრის ირაკლი ღარიბაშვილის ბრატისლავაში, გლობალური უსაფრთხოების ფორუმზე გაკეთებულ განცხადებებს გამოეხმაურა.

 

მანვე აღნიშნა, რომ ხელისუფლება არაფერს აკეთებს იმისთვის, რომ 12 პუნქტიანი გეგმა შესრულდეს.

 

„ჩვენ რომ სულ არ მოგვესმინა ჩვენი საერთაშორისო პარტნიორების შეფასებები ღარიბაშვილის გუშინდელ გამოსვლაზე, ნებისმიერ ქართველს რომ მოესმინა და ვინც მოისმინა, დარწმუნებული ვარ ყველას შეექმნა ერთი წარმოდგენა, რომ ეს ადამიანი არის ჩვეულებრივი მოღალატე ამ ქვეყნის, რომელმაც გააკეთა ის განცხადება, რომელიც არა მავნებლური იქნება რუსეთისთვის, არამედ, პირიქით, პირდაპირ რუსული პოზიცია გააჟღერა და ჩვენ რასაც ვისმენდით ამ პერიოდის განმავლობაში პუტინისგან, სწორედ ეს გაიმეორა და შეფასებებიც ანალოგიური და ლოგიკური მოჰყვა ჩვენი პარტნიორების მხრიდან. ამიტომ, ჩვენ კიდევ ერთხელ მკაფიოდ უნდა დავრწმუნდეთ და ჩამოვყალიბდეთ, რომ ეს ხელისუფლება არაფერს არ აკეთებს იმისთვის, რომ შესრულდეს 12 პუნქტიანი გეგმა და ჩვენი ქვეყანა გახდეს ევროპის სრულუფლებიანი ნაწილი“, - განაცხადა გიორგი ბოტკოველმა.

 

მისივე თქმით, ირაკლი ღარიბაშვილს სურდა წარმოეჩინა, რომ მხოლოდ მათი ხელისუფლების პირობებში არის მშვიდობა, თუმცა ყოველდღიურად მათი ხელისუფლების პირობებში ოკუპაციის ხაზთან მიმდინარეობს როგორც ადამიანების გატაცება, ისე ტერიტორიების მითვისება.

 

„იმ სამარცხვინო მოღალატეობრივი განცხადების შემდეგ, რაც მან გააკეთა უკრაინასთან დაკავშირებით და ფაქტობრივად მას უნდოდა, რომ ქართველი ხალხის პოზიცია დაეფიქსირებინა და მე მინდა ვთქვა, რომ ეს ნამდვილად არ არის ქართველი ხალხის პოზიცია, ეს არის მხოლოდ რუსული ხელისუფლების პოზიცია. ის, რომ თითქოს უნდოდა წარმოეჩინა თითქოს მხოლოდ ამ ხელისუფლების პირობებში არის მშვიდობა, ჩვენ ვხედავთ, რომ ამ ხელისუფლების პირობებში ყოველდღიურად ვკარგავთ ტერიტორიებს და ოკუპაციის ხაზთან მიმდინარეობს როგორც ადამიანების გატაცება, ისე ტერიტორიების მითვისება და თუ ამ ყველაფერს ესე თვალებდახუჭული უნდა ვეგუებოდეთ და მხოლოდ იმით უნდა ვიყოთ კმაყოფილები, რომ თურმე ტყვია არ ვარდება და ისე შეიძლება წაგვართვან ტერიტორიები ეს არის კიდევ ერთი მოღალატეობრივი და სამარცხვინო განცხადება“, - აცხადებს გიორგი ბოტკოველი.

 

 

წყარო : IPN /www.interpressnews.ge/

წაკითხულია : 199


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები