პოლიტიკა

შალვა პაპუაშვილი საფრანგეთში ვიზიტის ფარგლებში, ევროპის საკითხებში სახელმწიფო მინისტრ ლორანს ბონს შეხვდა

09.06.23 12:00


პარლამენტის თავმჯდომარე შალვა პაპუაშვილი, საპარლამენტო დელეგაციის წევრებთან ერთად, საფრანგეთის სახელმწიფო მინისტრს ევროპის საკითხებში ლორანს ბონს შეხვდა, - ამის შესახებ ინფორმაციას პარლამენტის პრესსამსახური ავრცელებს.

 

მათივე ინფორმაციით, როგორც შალვა პაპუაშვილმა განაცხადა, შეხვედრაზე მხარეებმა ისაუბრეს საქართველოს პროგრესზე ევროკავშირის რეკომენდაციების განხორციელების კუთხით.

 

„იმედი გამოვთქვი, რომ წლის ბოლოს საქართველოს მიენიჭება კანდიდატი ქვეყნის სტატუსი. სახელმწიფო მინისტრი შეგვპირდა საფრანგეთის მტკიცე მხარდაჭერას ევროინტეგრაციის და დემოკრატიული რეფორმების გზაზე. შეხვედრაზე, ასევე, მიმოვიხილეთ რეგიონში არსებული გეოპოლიტიკური ვითარება და უსაფრთხოების გამოწვევები“, - განაცხადა საქართველოს პარლამენტის თავმჯდომარემ.

 

 

 

წყარო :  /www.imedinews.ge/

წაკითხულია : 181


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები