პოლიტიკა

შალვა პაპუაშვილი: არავინ ითხოვს ჩვენგან ორმხრივი სანქციების დაწესებას - ახლახან საქართველოში მყოფ ნატოს გენერალური მდივნის მრჩეველს შევხვდი და მან დაადასტურა ნატოს პოზიცია, რომ არავინ ითხოვს ორმხრივი სანქციების დაწესებას

09.06.23 15:20


სანქციებთან დაკავშირებით ორმხრივ შეხვედრებზე, როდესაც დედაქალაქებში ვსაუბრობთ, თუ რატომ არ აწესებს საქართველო, ეს დამოკიდებულება ყველასთვის გასაგებია და არავინ ითხოვს ჩვენგან ორმხრივი სანქციების დაწესებას. ახლახან საქართველოში მყოფ ნატოს გენერალური მდივნის მრჩეველს შევხვდი და მან დაადასტურა ნატოს პოზიცია, რომ არავინ ითხოვს ორმხრივი სანქციების დაწესებას, - ამის შესახებ საქართველოს პარლამენტის თავმჯდომარე, შალვა პაპუაშვილმა პარიზში ჟურნალისტებთან განაცხადა.

 

„საქმე იმაშია, რომ თავად პოლიტიკა, რომ არ დაწესდეს ორმხრივი სანქციები რუსეთის წინააღმდეგ, არის პოლიტიკა, რომელსაც საქართველო ატარებს 10 წელზე მეტია თავად ჩვენი დასავლელი პარტნიორების რჩევით, რეკომენდაციით, მოწოდებით და ამიტომ ამაში არაფერი ახალი არ არის. ამიტომ ვინც საუბრობს სანქციების მიერთების საკითხზე ან საგარეო პოლიტიკური განცხადებების მიერთების პროცენტულობაზე, სინამდვილეში საკითხებში ვერ ერკვევიან. გუშინაც ითქვა, რომ საქართველოს რაიმე სპეციფიკური ინტერესი გინეა ბისაუს ან ასეთი ქვეყნების მიმართ არ აქვს.

 

აქ მიზეზები სხვაა, თუ რატომ არ ვუერთდებით ჩვენ ამ განცხადებებს. ეს არის ჩვენი ქვეყნის და ხალხის ეროვნული ინტერესი. რუსეთი მუშაობს ამ ქვეყნებზე, რომ მათ აღიარონ აფხაზეთისა და ცხინვალის რეგიონის დამოუკიდებლობა და რა თქმა უნდა, ამ ქვეყნების მიმართ გვაქვს ფრთხილი პოზიცია, რათა არ წავახალისოთ მათი მხრიდან კონტრზომების სახით ამ ტერიტორიების აღიარება. მიუხედავად დიდი პატივისცემისა ევროკავშირის საგარეო პოლიტიკური განცხადებების მიმართ, ჩვენ გვაქვს ჩვენი ეროვნული ინტერესები ტერიტორიული მთლიანობისა და სუვერენიტეტის შენარჩუნებისა და აღდგენის. როდესაც ეხება განცხადებები ქვეყნებს, რომლებიც არიან მოწყვლადი ამ მხრივ და შეიძლება აღიარონ ჩვენი ტერიტორიების დამოუკიდებლობა, რა თქმა უნდა, ჩვენ საქართველოს ინტერესებით ვხელმძღვანელობთ. ეს ევროკავშირის სტრუქტურებში სინამდვილეში ძალიან კარგად იციან და არის შეთანხმებული პოლიტიკა“, - განაცხადა პაპუაშვილმა.

 

 

წყარო :  /www.imedinews.ge/

წაკითხულია : 199


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები