პოლიტიკა

პრეზიდენტი ანა ნაცვლიშვილს და ეკა გიგაურს შეხვდა

18.09.23 17:30


საქართველოს პრეზიდენტი, სალომე ზურაბიშვილი „საერთაშორისო გამჭვირვალობა-საქართველოს“ აღმასრულებელ დირექტორს ეკა გიგაურს შეხვდა.

 

როგორც ეკა გიგაურმა შეხვედრამდე აღნიშნა, სალომე ზურაბიშვილი ყველაფერს აკეთებს იმისთვის, რომ საქართველომ კანდიდატის სტატუსი მიიღოს.

 

„მე მგონია, რომ შეხვედრა დაკავშირებულია იმ როლთან, რომელიც აქვს დღეს პრეზიდენტს იმისთვის, რომ მივიღოთ კანდიდატის სტატუსი. მე ამის მოლოდინი მაქვს, რადგან პრეზიდენტი ძალიან მნიშვნელოვან როლს თამაშობს ამ პროცესში და ნამდვილად ის აკეთებს ყველაფერს, რომ საქართველომ მიიღოს სტატუსი“, - განაცხადა ეკა გიგაურმა.

 

მანამდე, პრეზიდენტს „ლელოს“ ერთ-ერთი ლიდერი ანა ნაცვლიშვილი შეხვდა. შეხვედრის შემდეგ ნაცვლიშვილმა განაცხადა, რომ სალომე ზურაბიშვილის ძირითადი ინტერესი სახელმწიფოს წინაშე მდგომი გამოწვევებია და იმპიჩმენტზე საერთოდ არ დარდობს.

 

„პრეზიდენტი აქტიურად მოქმედებს და აპირებს ასევე აქტიურად გააგრძელოს მუშაობა საქართველოს ევროპული არჩევანის დასაცავად და „ქართული ოცნების“ მიერ წამოწყებული სრულიად აბსურდული და სასაცილო იმპიჩმენტის პროცესი მას ვერ გააჩერებს. ძალიან ნათლად ხედავს რა პოლიტიკა აქვს „ქართულ ოცნებას“ და რამდენად აქტიურად მუშაობს სამწუხაროდ, „ოცნება“ იმისთვის, რომ როგორმე კედელი აღიმართოს ევროპასა და საქართველოს შორის. მისი ძირითადი ინტერესი იყო სახელმწიფოს წინაშე მდგომი გამოწვევები და არა იმპიჩმენტი. საერთოდ არ დარდობს იმპიჩმენტზე“, - განაცხადა ანა ნაცვლიშვილმა.

 

 

 

 

წყარო  :  IPN /www.interpressnews.ge/

წაკითხულია : 199


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები