საზოგადოება

კიდევ რომელ ქუჩებზე ამოქმედდება საათობრივი პარკირება 1 ოქტომბრიდან

27.09.23 16:30


თბილისის მერის, კახა კალაძის განცხადებით, 1 ოქტომბრიდან ჩუღურეთის, მთაწმინდისა და ვაკის რაიონებში არსებულ ქუჩებში ზონალურ-საათობრივი პარკირება ამოქმედდება.

 

მერის თქმით, ადგილობრივ მოსახლეობას კუთვნილი ავტომობილების საცხოვრებელ სახლთან უფასოდ გასაჩერებლად მისამართის მიხედვით რეგისტრაციისკენ მოუწოდა.

 

მისი თქმით, ფასიანი პარკირება ამოქმედდება ჩუღურეთის რაიონში:

 

ივანე ჯავახიშვილის ქუჩაზე;
ზაარბრიუკენის მოედანზე;
ნინოშვილის;
უზნაძის ქუჩებსა და მიმდებარე ტერიტორიაზე.
მთაწმინდის რაიონში:

 

ლაპიაშვილის ქუჩაზე,
ჭოველიძისა
ჯანაშიას ქუჩებზე და მიმდებარე ტერიტორიაზე.


ვაკის რაიონში:

 

კუს ტბის ასახვევის მიმდებარე ტერიტორიაზე.


„რამდენიმე წელია ამოქმედდა ზონალურ-საათობრივი პარკირების სისტემა, რომელიც ეტაპობრივად ყველა რაიონში ინერგება. როგორც იცით, ეს სისტემა პრიორიტეტს ანიჭებს წინასწარ რეგისტრირებულ ადგილობრივ მცხოვრებლებს, შშმ პირებს, ელექტრომობილების მფლობელებსა და A კატეგორიის ტაქსის მძღოლებს – ამ კატეგორიებისთვის პარკირება უფასოა.

 

სხვა შემთხვევაში კი სტანდარტული ტარიფი შეადგენს ერთ ლარს ერთი საათის განმავლობაში. გარდა ამისა, მოქალაქეს შეუძლია, დღე-ღამის განმავლობაში, ოთხ სხვადასხვა ლოკაციაზე, პირველი 15 წუთი ისარგებლოს უფასოდ.

 

კიდევ ერთხელ მოვუწოდებ ჩამოთვლილი ქუჩების მცხოვრებლებს, რომელთაც ჯერ კიდევ არ გაუვლიათ რეგისტრაცია მისამართის მიხედვით, დარეგისტრირდნენ, რათა კუთვნილი ავტომანქანები სახლთან ახლოს უფასოდ გააჩერონ“, – აღნიშნა კახა კალაძემ. მისივე განცხადებით, გამოყოფილია შესაბამისი ჯგუფები იმისთვის, რომ მოქალაქეებს რეგისტრაციის პროცესში დაეხმარონ.

 

 

 

წყარო :  /www. netgazeti.ge/

წაკითხულია : 199


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები