ანალიტიკა

სეპარატისტული სამხრეთ ოსეთი შესაძლოა გაუქმდეს ხალხის სრული  ფიზიკური არყოფნის გამო
15.05.24 14:45

სეპარატიზმი და ოკუპაცია უმოკლესი გზაა ხალხის სწრაფი გადაშენებისკენ, მით უმეტეს, თუ ოკუპანტი არის "დაცარიელებული" ქვეყანა ათასობით მიტოვებული სოფლით.

 

ყველამ იცის, რომ უზარმაზარი რუსეთის ფედერაციის ტერიტორიაზე, ძალზედ ხშირად გამოყენებული ადმინისტრაციული პროცედურაა დასახლებების გაუქმება იქ ხალხის სიმცირის გამო. რუსეთი, რომელიც დღეს საკუთარ და სხვების სისხლს ღვრის უკრაინის ტერიტორიების ნარჩენებისთვის თავის ისტორიულ „წიაღში“, საცოდავი სანახავია. მოსკოვიდან სულ რაღაც 100 კილომეტრში იწყება დასახლებული და მიტოვებული სოფლებისა და დაბების უზარმაზარი მასივი. ათასობით მათგანი უკვე ოფიციალურად გაუქმებულია და რეესტრებიდან ამოღებულია, თანდათანობით „ნადგურდება“ სახლები, მიტოვებული მინდვრები და ბოსტანი ბუჩქნარით და ტყით იფარება.

 

სამწუხაროდ, როგორც ჩანს, რუსეთის ხელისუფლებას მალე მოუწევს გააუქმოს არა მხოლოდ "საკუთარი" დაცარიელებული და მიტოვებული სოფლები და დაბები, არამედ "დამოუკიდებელი" და "მოკავშირე" სეპარატისტული სახელმწიფოები, რომლებიც "მეგობრული" ოკუპაციის ქვეშ დაიცალა და გაუკაცრიელდა.

 

მათ შორის ყველაზე სამწუხარო მდგომარეობაა საქართველოს ცხინვალის რეგიონში, რომლის ტერიტორიაზეც, რუსეთის ოკუპაციის ქვეშ, არის სეპარატისტული ე.წ. "სამხრეთ ოსეთის რესპუბლიკა", რომლის ყალბ "დამოუკიდებლობას" დღემდე აღიარებს რუსეთის ფედერაცია. ასე გაგრძელების შემთხვევაში, ყალბი „დამოუკიდებლობის“ საჭიროებაც კი გაქრება.

 

სეპარატისტულ რესურსებზე ვრცელდება დიანა ვანეევას ჩანაწერი ცხინვალის რეგიონში მცხოვრებთა რაოდენობის კატასტროფული კლების შესახებ:

 

„სამხრეთ ოსეთში ამომრჩეველთა სია შემცირდა მოსახლეობის შემცირების გამო. არჩევნები არჩევნებად, მაგრამ ის, რომ ფსიქოლოგიური მაჩვენებელი უკვე გაირღვა და 20 ათასს უდრის - ნამდვილი კატასტროფაა. გამარჯვების აღლუმი თითქმის ცარიელ ცხინვალში ჩატარდა, სადაც მოსახლეობის დიდი ნაწილი ცხოვრობს, თუ ასე გაგრძელდა, რესპუბლიკა შეიძლება გაუქმდეს მოსახლეობის სიმცირის გამო“.

 

გარდა ამისა, დიანა ვანეევა წერს: „სამხრეთ ოსეთი ფაქტიურად იღუპება, ხელისუფლება აბსოლუტურად არაფერს აკეთებს მის შესაჩერებლად, არც აწყობთ ეს. აქტიური მოღვაწეობის საიმიტაციოდ, არიან ჩინოვნიკები, რომლებიც ბიუჯეტს "ხრავენ", ხოლოზემდგომი პირები დაინტერესებულნი არიან მხოლოდ იმ ტერიტორიით, რომელიც, ამ სიტყვის მრავალი მნიშვნელობით, შეიძლება გამოყენებულ იქნას ისევ სიგარეტის კონტრაბანდისთვის, რომელიც ხორციელდება გავლენიანი კრიმინალური ჯგუფის ინტერესებიდან გამომდინარე. ადრე გამოქვეყნდა შემაშფოთებელი მაჩვენებლები კონტრაბანდის მასშტაბებისა და პრეზიდენტის ალან გაგლოევის ჩრდილოვან ფონდში ყოველთვიურად გადახდილი შემოსავლების შესახებ - მიახლოებითი შეფასებით, 40 მილიონი რუბლი. სხვა სიტყვებით, სახელმწიფოს მეთაურს ჰქონდა საკმარისი დამატებითი ფული, რათა სირცხვილი არ ეჭამა პენსიონერების წინაშე და არ დაეტოვებინა ისინი დღესასწაულებზე ფულის გარეშე. ასე არ მოხდა. ხელფასები თვეობით არ გაიცემოდა და არც ეხლა გაიცემა. სად არის ფული, ალან? სად არის ის ფული, რომელიც სახელმწიფომ მაინც უნდა მიიღოს გადასახადების სახით? სად მიედინება ისინი? რომელ ბანკებში ტრიალებს სამხრეთ ოსეთის საბიუჯეტო სახსრები წინა ხელმძღვანელობის მიერ დადგენილი სქემით? ამავდროულად, ხელისუფლებაში მყოფი კრიმინალები სრულად სარგებლობენ იმით, რომ ეს საკითხი სრულიად სცილდება არა მხოლოდ სამოქალაქო კონტროლის, სამოქალაქო კრიტიკის, არამედ საპარლამენტო კონტროლის საზღვრებსაც კი. აქ კი, მათ აზრით, უყოყმანოდ შეუძლიათ ყოველგვარი კრიმინალი ჩაიდინონ. რატომაც არა, თუ ეს წინამორბედებსაც გასდიოდათ? ”

 

დიანა ვანეევას მიერ გაჟღერებული კოლოსალური კორუფციისა და საჯარო სექტორის მუშაკებისთვის ხელფასების გადაუხდელობის პრობლემები კარგად ესმით მათ, ვინც ცხოვრობს ოკუპირებულ ცხინვალის რეგიონში. უფრო სწორად, შემორჩა ცხინვალს და რამდენიმე ცარიელ სოფელსა და ქალაქს (მიუხედავად ოკუპირებულ სამაჩაბლოში უკვე სრულიად მიტოვებული და დანგრეული ოსური სოფლების არსებობისა).

 

სეპარატისტულ ტერიტორიაზე ტოტალური უმუშევრობაა, ბევრ ადამიანს უბრალოდ არ აქვს საარსებო საშუალება.მათაც კი, ვისაც გაუმართლა და სამსახური მიიღო რუსეთის ფედერაციის ყველაზე ღარიბი რეგიონების სტანდარტებითაც კი მწირი ხელფასებით, თვეობით უნდა ელოდონ ხელფასის მიღებას. მიღებული თანხა არ არის საკმარისი პირველადი მოხმარების საგნებისთვის - აქ საქონლის ფასები ზოგჯერ 1,5-2-ჯერ მაღალია, ვიდრე რუსეთის ჩრდილოეთ კავკასიაში. სეპარატისტულ ტერიტორიაზე ხომ თითქმის არაფერი იწარმოება და საქონელი შედის როკის გვირაბით.

 

უიმედო სიღარიბით დაღლილი ნარჩენი ოსი მოსახლეობა ტოვებს ეგრეთ წოდებულ „დამოუკიდებელ“ სახელმწიფოს, რომლის რეალური მოსახლეობა, როგორც ჩანს, ოდნავ ნაკლებია დიანა ვანეევას მიერ გაჟღერებულ 20 ათასზე და, სავარაუდოდ, აღარ აღემატება 10 ათასს.

 

საქართველოს ფარგლებში სამხრეთ ოსეთის ავტონომიურ ოლქში დაახლოებით 100 ათასი ადამიანი ცხოვრობდა, ამის გათვალისწინებით, სახეზეა უახლეს ისტორიაში თითქმის ყველაზე კატასტროფული დეპოპულაცია და სეპარატისტების მიერ მოტყუებული სამხრეთ ოსეთის ეთნიკური ჯგუფის „მშვიდი თვითგენოციდი“. ცხინვალის რეგიონის სეპარატისტული სტატუსის შენარჩუნების შემთხვევაში კი, დეპოპულაციამ და რუსეთის ფედერაციაში მიგრაციამ შეიძლება გამოიწვიოს ის ფაქტი, რომ საოკუპაციო ძალების სამხედრო პერსონალის გარდა, აქ მოსახლეობა უბრალოდ აღარ დარჩება.

 

გიორგი კვინიტაძე

წაკითხულია : 1531