საზოგადოება

კახეთში სეტყვის საწინააღმდეგო სისტემამ სეტყვასაშიში ღრუბლის მასები გაანეიტრალა

01.07.16 20:30


30 ივნისის დღის მეორე ნახევრიდან დასავლეთ საქართველოდან აღმოსავლეთ მიმართულებთ მასშტაბური ფრონტალური ღრუბლის მასები შემოვიდა. 19:20 საათისთვის ნალექის მასა კახეთის რეგიონში შევიდა და თითქმის მთელი ტერიტორია მოიცვა. II, III და IV კატეგორიის ღრუბლები ეტაპობრივად გავრცელდა საგარეჯოს, თელავის, ახმეტის, გურჯაანის, ლაგოდეხის და დედოფლისწყაროს რაიონებში. ამას თან დაერთო საგარეჯოს რაიონში შიდამასიური ღრუბლის ჩამოყალიბებაც. როგორც “კვირას” “დელტადან” აცნობეს, სეტყვის მოსვლის ალბათობამ 70-80 % ს მიაღწია.

„დელტას“ სეტყვის საწინააღმდეგო სისტემის მართვის ცენტრის მიერ 30 ივნისის 19:28 საათიდან 1 ივლისის 00:02 საათამდე სეტყვასაშიში ღრუბლების მასშტაბური დამუშავება განხორციელდა.

რამდენიმე ათეული სარაკეტო დანადგარიდან გასროლილი იქნა 100 ერთეულამდე ქართული წარმოების სეტყვასაწინააღმდეგო რაკეტა.

დამუშავების შედეგად ნალექის სრული მასა წვიმის სახით ჩამოიცალა.


წყარო : /www.kvira.ge/

წაკითხულია : 316


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები