საზოგადოება

ქართული გაზსადენი რეგიონებში აზერბაიჯანულ კომპანიას მიჰყიდეს

25.07.18 17:45


საქართველოს მთავრობის გადაწყვეტილებით, ქვეყნის რიგ რაიონებში გაზსადენი კომპანია SOCAR Georgia Gas-ს მიჰყიდეს, იუწყება „Sputnik-აზერბაიჯანი".

აზერბაიჯანის სახელმწიფო ნავთობ-კომპანიის შვილობილმა სტრუქტურამ 21,3 მლნ ლარად 594 კილომეტრი გაზსადენის ქსელი შეისყიდა. კერძოდ, აზერბაიჯანულმა კომპანიამ მიიღო კონტროლი კასპის, გარდაბნის, ზესტაფონის, ზუგდიდის, ოზურგეთის, ლაგოდეხის, ახმეტისა და ონის რაიონების ტერიტორიებზე განთავსებულ გაზსადენზე.

გარიგების პრიობების თანახმად, კომპანიის მიერ შეძენილი უძრავი ქონების ღირებულება სრულად გადახდილი 48 თვის განმავლობაში უნდა იყოს.

ნავთობის კვლევის ცენტრის Caspian Barrel ხელმძღვანელის, ილჰამ შაბანის განცხადებით, SOCAR Georgia Gas თავის აქტივებს პერიოდულად ამდიდრებს როგორც ახალი გაზსადენის მშენებლობით, ისე რეგიონული გაზსადენის შესყიდვით. მისი თქმით, გაზსადენების შეძენა და მშენებლობა კომპანიის ღირებულებას საქართველოში ზრდის.

ამას გარდა, SOCAR Georgia Gas-ი, რეგიონული გაზსადენის შესყიდვით, იძენს უფლებას არა მარტო მიაწოდოს ბუნებრივი გაზი მომხმარებელს გამანაწილებელი ქსელების მეშვეობით (თბილისის გარდა), არამედ მიიღოს შესაძლებლობა, განახორციელოს სატრანსპორტო მომსახურება საქართველოში გაზის მიწოდების მხრივ, აღნიშნა ექსპერტმა.

(SOCAR-მა საქართველოში ნავთობისა და ბუნებრივი აირის სფეროში საქმიანობა საქართველოში 2006 წელს დაიწყო. ის დღესდღეობით ბუნებრივი გაზით უზრუნველყოფს 600 ათასზე მეტ აბონენტს ქვეყნის მასშტაბით. საქრათველოში ფუნქციონირებს მომხმარებლის მომსახურების 45 სერვის-ცენტრი.



წყარო : Sputnik საქართველო /www.sputnik-georgia.com/

წაკითხულია : 136


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები