საზოგადოება

ხორავას ქუჩაზე მკვლელობაში ბრალდებული მიხეილ კალანდიას საქმეზე პირველი არსებითი სხდომა იმართება

24.07.19 11:00


თბილისის საქალაქო სასამართლოში ხორავას ქუჩაზე დავით სარალიძის ჯგუფურად, დამამძიმებელ გარემოებებში განზრახ მკვლელობაში ბრალდებული მიხეილ კალანდიას საქმის არსებითი განხილვა მიმდინარეობს. სხდომას თავად ბრალდებული მიხეილ კალანდიაც ესწრება.

 

ადვოკატი ანა კოტეტიშვილი აცხადებს, რომ დღეს ბრალდების მხარე თავის შესავალ სიტყვას წარადგენს.

 

„მოსამართლე კონკრეტულად გვეტყვის, რა მტკიცებულებებზე დაყრდნობით აპირებს წარდგენილი ბრალის დადასტურებას, ხოლო დაცვის მხარე ალტერნატივის სახით წარვადგენთ შესავალ სიტყვას, სადაც დეტალურად ვისაუბრებთ იმ გარემოებებზე, რატომ უნდა მიიღოს სასამართლომ გამამართლებელი განაჩენი. ასევე, ვაპირებთ გამოყენებული აღკვეთის ღონისძიების პატიმრობის შეცვლასთან დაკავშირებით შუამდგომლობის ხელახლა დაყენებას. რაც შეეხება დაცვის ძლიერ არგუმენტებს, არის ის, რომ საქმეში არ არსებობს არც წერილობითი მტკიცებულებები, არც ნივთიერი მტკიცებულებები, რომელიც წარდგენილი ბრალის დადასტურებაში ბრალდების მხარეს გამოადგება. არც მოწმეთა ჩვენებები არ არის საკმარისი მტკიცებულება და საკმარისი კომპონენტი იმისათვის, რომ წარდგენილი ბრალის დადასტურება მოხდეს. თავად ბრალდებული წარდგენილ ბრალში თავს დამნაშავედ არ ცნობს“, – განაცხადა კოტეტიშვილმა.

 

მიხეილ კალანდია ხორავას ქუჩაზე დავით სარალიძის ჯგუფურად დამამძიმებელ გარემოებებში ჩადენილი მკვლელობის ბრალდებით სამართალდამცველებმა 4 ივნისს დააკავეს. მას აღკვეთის ღონისძიების სახით პატიმრობა 6 ივნისს შეეფარდა.

 

 

წყარო: 1TV/ 1tv.ge

წაკითხულია : 154


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები