პოლიტიკა

იოჰანეს ჰანი – ჩვენთვის საქართველო არის მოწინავე ქვეყანა აღმოსავლეთ სამეზობლოში, განსაკუთრებით სამართლის უზენაესობის მიმართულებით

16.09.19 17:15


„ევროკავშირი და საქართველო ძალიან მჭიდრო პარტნიორები და მეგობრები არიან.

ვადასტურებ იმას, რაც ბრძანა პრემიერ-მინისტრმა, ვისაუბრეთ იმის შესახებ, რომ უფრო გაღრმავდეს ჩვენი თანამშრომლობა. განსაკუთრებით ისეთი პოტენციალის გამოყენებით რომელიც მომდინარეობს ღრმა და ყოვლისმომცველი თავისუფალი სავაჭრო შეთანხმებიდან და ბევრი იმ შესაძლებლობებიდან, რომელიც არ ყოფილა ამოქმედებული”, – აღნიშნული განცხადება ევროპული სამეზობლო პოლიტიკისა და გაფართოების საკითხებში ევროკომისარმა იოჰანეს ჰანმა პრემიერ-მინისტრთან გამართული შეხვედრის შემდეგ გააკეთა.

იოჰანეს ჰანის თქმით, ევროკავშირი რჩება საქართველოში მიმდინარე წარმატებული რეფორმების მტკიცე პარტნიორად და მხარდამჭერად.

„განვითარების კუთხით, ჩვენთვის საქართველო არის მოწინავე ქვეყანა, განსაკუთრებით სამართლის უზენაესობის მიმართულებით აღმოსავლეთ სამეზობლოში და გვინდა, რომ ეს სტატუსი შენარჩუნდეს მომავალშიც. ეჭვიც არ მეპარება, რომ ასეც იქნება. მომავალშიც, მიზანმიმართულ ხაზს ვინარჩუნებთ საქართველოს სუვერენიტეტისა და ტერიტორიული მთლიანობის მხარდაჭერის მიმართულებით, საერთაშორისოდ აღიარებული საზღვრებს ფარგლებში,” – აღნიშნა ევროკომისარმა.





წყარო : /www.kvira.ge/

წაკითხულია : 307


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები