პოლიტიკა

გია ვოლსკი - ჩვენი საქმიანობა აქტიური იქნება, რომ თავი დავაღწიოთ ორ უბედურებას, ოკუპაციას და ვირუსს

20.07.20 13:40


დიდუბე-ჩუღურეთის საარჩევნო ოლქში „ქართული ოცნების“ მაჟორიტარობის კანდიდატის გია ვოლსკის განცხადებით, დიდუბე-ჩუღურეთი მისთვის კარგად ცნობილი რაიონია.

ვოლსკი ფიქრობს, რომ მას ხალხიც იცნობს არა მხოლოდ ბიოგრაფიით, არამედ საქმით.

„საკმაოდ რთული რაიონია სოციალურად დიდუბე-ჩუღურეთი, ჩუღურეთს კარგად ვიცნობ, დიდუბეში გავიზარდე და ჩუღურეთში გადავედი. ვფიქრობ, რომ საზოგადიებისთვისაც არ ვარ უცნობი არა მხოლოდ ბიოგრაფიით, საქმითაც. ვფიქრობ, რომ გავიმარჯვებთ იმდენად, რამდენადაც, განწყობა არა მხოლოდ ჩემს რაიონში, არამედ ზოგადად, ქვეყანაში არის პოზიტიური, მიუხედავად იმისა, რომ სირთულეებია. ამ სირთულეებთან გასამკლავებლად საზოგადოება სწორედ „ქართულ ოცნებას“ ირჩევს, როგორც სტაბილურობისა და განვითარების რეალურ რესურს. ჩვენს რაიონებს მივესალმები და მათ მხარდაჭერას ველოდები“, – განაცხადა გია ვოლსკიმ.

ამასთან, გია ვოლსკის თქმით, ქვეყანაში განვითარებას საფუძვლად ექნება სტაბილურობა და აქტიურად იმუშავებენ, რათა თავი დააღწიონ ოკუპაციას, ასევე ვირუსს.

„ამომრჩეველს ვპირდებით იმას, რომ განვითარებს საფუძვლად ექნება სტაბილურობა, რასაც რვა წელში საგანგებო ყურადღება ექცეოდა. ვპირდებით იმას, რომ ჩვენი საქმიანობა აქტიური იქნება, რომ თავი ორ უბედურებას დავაღწიოთ – ოკუპაციას და ვირუსს“, – განაცხადაა გია ვოლსკიმ.

„ქართულმა ოცნებამ“ მაჟორიტარი დეპუტატობის კანდიდატები წარადგინა. გია ვოლსკი დიდუბე-ჩუღურეთის საარჩევნო ოლქში იყრის კენჭს.




წყარო : /www.1tv.ge/

წაკითხულია : 163


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები