პოლიტიკა

მე-8 მოწვევის პარლამენტის ბოლო პლენარული სხდომა ვერ შედგა

07.09.16 19:45


მე-8 მოწვევის პარლამენტის ბოლო პლენარული სხდომა ვერ გაიმართა. საშემოდგომო სესიის პირველი პლენარული სხდომის გახსნისთვის, რომელიც მოქმედი პარლამენტისათვის ბოლოა, კვორუმი არ შედგა.

რეგისტრაცია სულ 30-მა დეპუტატმა გაიარა. მათ შორის იყვნენ ფრაქციების: ”რესპუბლიკელების”, ”ქართული ოცნების”, ”კონსერვატორების” წარმომადგენლები.

რეგლამენტის თანახმად, პარლამენტი არჩევნებამდე ერთი თვით ადრე მუშაობას წყვეტს, თუმცა დღეისთვის, რეგლამენტისთვე გათვალისწინებით, პლენარული სხდომა დანიშნული იყო.

მოქმედი პარლამენტის დღის წესრიგით გათვალისწინებული იყო მიმდინარე კანონპროექტების განხილვა, რომელზე გადაწყვეტილება საგაზაფხულო სესიის განმავლობაში ვერ მიიღეს, მათ შორის არის ”საერთო სასამართლოების შესახებ” კანონში დაგეგმილი ცვლილებები.

პლენარული სხდომის გამართვის შემთხვევაში, პარლამენტს უზენაესი სასამართლოს მოსამართლის თანამდებობაზე პრეზიდენტის მიერ წარდგენილი კანდიდატებისათვის უნდა ეყარა კენჭი.


წყარო : IPN /www.interpressnews.ge/

წაკითხულია : 577


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები