მსოფლიო

აზერბაიჯანელი ექსპერტი - „თურქული კარიბჭე“ ანუ ბაქო-თბილისი-ყარსის ალტერნატივა

15.12.20 12:00


„თურქული კარიბჭე“ ანუ ბაქო-თბილისი-ყარსის ალტერნატივა". ამ სათაურის სტატიას აქვეყნებს აზერბაიჯანული გამოცემა Report.az და აზერბაიჯანიდან ნახიჩევანში, შემდეგ კი თურქეთში რკინიგზის მშენებლობის პერსპექტივებზე წერს.

ეკონომიკის ექსპერტი ელშად მამედოვი აცხადებს, რომ ამ პროექტის განხორციელება ხელს შეუწყობს აზერბაიჯანის და მთელი რეგიონის მდგრად ეკონომიკურ განვითარებას. 

 

„წლების განმავლობაში ნახიჩევანთან აზერბაიჯანს კავშირი მხოლოდ საჰაერო გზით ჰქონდა. ნახიჩევანის გარდა, დანარჩენ აზერბაიჯანს არა აქვს სახმელეთო საზღვარი თურქეთთან. ამის გამო აზერბაიჯანი ევროპულ ბაზარს მხოლოდ საქართველოს გავლით უკავშირდებოდა, რაც მზარდი ეკონომიკური დამოკიდებულებისთვის ხელსაყრელ პირობებს ქმნიდა. კარგი პოლიტიკური ურთიერთობების არსებობის შემთხვევაშიც კი ზედმეტი დამოკიდებულება გარკვეულ პრობლემებს ქმნის. ასეთი სიტუაცია ამ ქვეყნებს უფრო აწყობთ. ამიტომ აუცილებელია ევროპის ბაზრებზე გასვლის დივერსიფიცირება. ასევე ეს ნიშნავს, რომ ნახიჩევანი აზერბაიჯანის ეკონომიკურ სივრცეში უფრო მეტად იქნება ინტეგრირებული, რაც ძალზე მნიშვნელოვანია“ - აცხადებს მამედოვი.

 

ექსპერტს მიაჩნია, რომ აზერბაიჯანს რუსეთ-თურქეთ-ირანს შორის ტრანზიტული ფუნქციის შესრულება შეუძლია. „ტვირთბრუნვა ამ ქვეყნებს შორის იზრდება, ხოლო ეკონომიკური თანამშრომლობა ღრმავდება, ასე რომ აზერბაიჯანი ამ სახელმწიფოებს შორის საკვანძო ქვეყანა უნდა გახდეს, რაც სამხრეთ კავკასიაში მის პოზიციებს გააძლიერებს.

 

პროფესორი აცხადებს, რომ მთავარი პრობლემა აზერბაიჯანსა და ნახიჩევანს შორის რკინიგზის მშენებლობის საკითხში ის არის, რომ რკინიგზამ სომხეთის ტერიტორიაზე უნდა გაიაროს, შესაბამისად პროექტის განხორციელებას 3-5, შეიძლება 10 ან მეტი წელი დასჭირდება. „ვფიქრობ, სომხეთს ყველა ვარიანტში რეგიონულ ეკონომიკურ პროექტებში ჩართვა მოუწევს. სახელმწიფოს, რომელიც ამ პროცესებს მიღმა დარჩება, ეკონომიკური გაკოტრება ემუქრება. ამასთანავე ეკონომიკურმა პროექტებმა პოლიტიკური დაძაბულობის განმუხტვას უნდა შეუწყოს ხელი, რაც ამ რეგიონს მომავალში სტაბილურობის და მშვიდობის რეგიონად აქცევს“ - წერს მამედოვი.

 

ექსპერტი აცხადებს, რომ ბაქო-თბილისი-ყარსის რკინიგზის მშენებლობის დაწყებისას მსოფლიოში და რეგიონში სხვა გეოპოლიტიკური მდგომარეობა იყო.

ამასთანავე, ამ პროექტზე უარის თქმას არავინ აპირებს. „ბაქო-თბილისი-ყარსის“ რკინიგზის პროექტში მილიარდები ჩაიდო. ეს რკინიგზა აზერბაიჯანისთვისაც და სხვა ქვეყნებისთვისაც ძალზე მნიშვნელოვანია. მან აღნიშნა, რომ აზერბაიჯანსა და თურქეთს შორის სავაჭრო ბრუნვა ბაქო-თბილისი-ყარსის რკინიგზის წყალობით მნიშვნელოვნად გაიზრდება.

 

 

 

წყარო :  /www .pia.ge/

წაკითხულია : 361


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები