პოლიტიკა

კახა კუჭავა: დარწმუნებული ვარ, ოთხი წლის თავზე შევძლებთ ვიამაყოთ გარდატეხით, რომელსაც ზესტაფონში გარემოს დაცვის კუთხით მოვახდენთ

02.09.21 13:20


ზესტაფონი უმნიშვნელოვანესი ქალაქია თავისი ინდუსტრიული დატვირთვით და როლით, რომელსაც საქართველოს ეკონომიკაში ასრულებს, - ამის შესახებ პარლამენტი თავმჯდომარემ კახა კუჭავამ ზესტაფონში „ქართული ოცნების“ ზესტაფონის მერობის კანდიდატის, ვასილ გველესიანის წარდგენისას განაცხადა.

 

„2012 წლის შემდეგ, ამ მუნიციპალიტეტში 1000-ზე მეტი ინფრასტრუქტურული პროექტია მთლიანობაში განხორციელებული, იქნება ეს სკოლების, ბაღების რეაბილიტაცია, მშენებლობა, გაზიფიცირება, წყალმომარაგება. რა თქმა უნდა, გამოწვევები რჩება და რეალობას თვალი უნდა გავუსწოროთ, რადგან სხვაგვარად ამის გამოსწორების საშუალება არ გვექნება.

 

ჯერ კიდევ 60 სოფელია, სადაც საჭიროა დასრულდეს წყალმომარაგების პროექტები. ასევე გაზიფიცირება, ინტერნეტიზაცია, რომელსაც აუცილებლად დავასრულებთ 2024 წლისთვის, როგორც ეს დაგეგმილია.

 

ყველა რეგიონში გვჭირდება მდგრადი განვითარება და ამისთვის სამი უმთავრესი კომპონენტია - სოციალური, ეკონომიკური და გარემოს კუთხით განვითარება. როდესაც ზესტაფონში ვართ, აუცილებლად უნდა ვისაუბროთ გარემოზე, რადგან ეს გამოწვევაა.

 

დარწმუნებული ვარ, ოთხი წლის თავზე შევძლებთ ვიამაყოთ გარდატეხით, რომელსაც მოვახდენთ გარემოს დაცვის კუთხით, რადგან სამართლებრივი საფუძვლები არსებობს, არსებობს გაფართოებული პასუხისმგებლობების, ვალდებულებების გათვალისწინება კანონმდებლობაში და ეს ახლა უნდა ავსახოთ რეალობაში- ავსახოთ ყველა რეგიონში და ზესტაფონს ეს განსაკუთრებით სჭირდება და ამ მხრივ მნიშვნელოვანია მუნიციპალიტეტის განსაკუთრებული ყურადღება.

 

დარწმუნებული ვარ, ცენტრალური ხელისუფლება მხარში დაგიდგებათ და ამ პრობლემის აღმოფხვრას ბოლომდე შევეცდებით, რომელიც წლებია უკვე ზესტაფონში არსებობს.

 

შესაძლებლობებზე ვსაუბრობთ და არ უნდა დაგვავიწყდეს, რომ არსებობს ბევრი საინტერესო პროგრამა, რომელიც გაძლევთ საშუალებას სიახლეები შესთავაზოთ თქვენს მუნიციპალიტეტს, ქალაქს - მათი გამოყენება აუცილებელია.

 

ადგილობრივმა თვითმმართველობამ ყველა ოჯახამდე უნდა მიიტანოს ეს შესაძლებლობა, რომელსაც ხელს უწყობს და გთავაზობთ ხელისუფლება“, - განაცხადა კახა კუჭავამ.

 

 

 

წყარო : /www.imedinews.ge/

წაკითხულია : 388


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები