პოლიტიკა

ანდრიუს კალინდრა - ნატო-ს ვილნიუსის სამიტის დროს ვიმსჯელებთ, როგორ დავუჭიროთ მხარი საქართველოს უფრო მეტად

30.11.22 17:40


საქართველოში ლიეტუვის ელჩის, ანდრიუს კალინდრას განცხადებით, ნატო-ს 2023 წლის სამიტზე, რომელიც ვილნიუსში გაიმართება, საქართველოს მიმართ მეტ მხარდაჭერაზე ისაუბრებენ.

 

„გუშინ ბუქარესტში ლიეტუვის მინისტრმა თქვა – მხარი დაუჭირეთ უკრაინას, დარჩით მშვიდად და მიეცით ტანკები უკრაინას. ნატო-ს მომდევნო სამიტი 2023 წელს ვილნიუსში გაიმართება. ასე რომ, გეოგრაფიულად და გეოპოლიტიკურად ის იქნება ძალიან ახლოს ნატო-ს აღმოსავლეთ პარტნიორებთან. ვილნიუსის სამიტის დროს ვიმსჯელებთ იმასთან დაკავშირებით, როგორ დავუჭიროთ საქართველოს მხარი უფრო მეტად“, – განაცხადა ანდრიუს კალინდრამ.

 

რაც შეეხება კითხვას, რა რეფორმები უნდა გაატაროს საქართველომ, რომ გახდეს ნატო-ს წევრი, ანდრიუს კალინდრა პასუხობს, რომ „არ არსებობს და ვერ იქნება ამის ფორმულა“.

 

„მიდგომა არის მხოლოდ ის, რომ ქვეყანა უნდა იყო მზად და ამჟამად იგივე ეხება ნატო-ში შვედეთისა და ფინეთის გაწევრიანების გზას, რომლებიც იყვნენ მზად და არ იყო საჭირო წევრობის სამოქმედო გეგმა ან მსგავსი რამ. ერთ-ერთი მთავარი რეკომენდაციაა, რომ დარჩეთ ერთგული არჩეული გზის მიმართ“, – აღნიშნა ანდრიუს კალინდრამ.

 

 

წყარო :  /www.1tv.ge/

წაკითხულია : 172


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები