პოლიტიკა

სალომე ზურაბიშვილი - მოხარული ვარ, რომ საქართველოსა და ევროპული ქვეყნების კულტურებს შორის შედგება გაცვლითი გამოფენები, რომლებიც საქართველოს ევროპის გულში აბრუნებს, სადაც მისი ადგილია

13.05.22 11:40


მოხარული ვარ, რომ სწორედ საქართველოსა და ევროპული ქვეყნების კულტურებს შორის შედგება ეს გაცვლითი გამოფენები და სხვადასხვა ღონისძიებები, რომლებიც საქართველოს ევროპის გულში აბრუნებს, სადაც მისი ადგილია და სადაც უნდა იყოს , - ამის შესახებ დავით კაკაბაძის სახელობის ქუთაისის სახვითი ხელოვნების გალერეაში ,,ქარავან არტ ფორუმი ქუთაისი 2022“ -ის გახსნაზე საქართველოს პრეზიდენტმა სალომე ზურაბიშვილმა განაცხადა.

 

,,მოხარული ვარ დღეს, რომ მომეცა საშუალება, დავესწრო ამ გამოფენის გახსნას. პირველი, იმიტომ რომ ეს გამოფენა ტარდება აქ, ამ გალერეაში, რომელსაც ძალიან ვგულშემატკივრობ და მეორე ის, რომ გამოფენა ქუთაისში ტარდება, რადგან მიმაჩნია, რომ მან საქართველოს კულტურული დედაქალაქის ადგილი უნდა დაიბრუნოს.

 

მოხარული ვარ, რომ დღეს აქ წარმოდგენილი არიან უკრაინელი ხელოვანები, რომლებიც მართალია, ახლა ჩვენს გვერდით ვერ არიან, მაგრამ წარმოადგენენ უკრაინას.

 

მინდა, ყველას მადლობა გადავუხადო, მათ შორის, უცხოელებს, ვინც მონაწილეობენ ამ გამოფენაში“, - განაცხადა საქართველოს პრეზიდენტმა.

 

პრეზიდენტის ადმინისტრაციის ცნობით, ,,ქარავან არტ ფორუმი” პროგრამა “ქარავანსარაის“ ფარგლებში ხორციელდება და მის ნაწილს წარმოადგენს, რომელიც დაარსდა პარიზში და ფუნქციონირებს 2001 წლიდან. მისი მიზანი კულტურული გაცვლითი პროგრამები, არტისტების მობილობა და სხვადასხვა კულტურათა შორის დიალოგის გაღრმავებაა.

 

გამოფენის ორგანიზატორია “გალერეა გამრეკელი”.

 

 

 

წყარო  :  IPN /www.interpressnews.ge/

წაკითხულია : 253


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები