პოლიტიკა

შალვა პაპუაშვილი საფრანგეთის სენატის თავმჯდომარეს შეხვდა

08.06.23 15:20


საქართველოს პარლამენტის თავმჯდომარე შალვა პაპუაშვილმა შეხვედრა გამართა საფრანგეთის სენატის თავმჯდომარე ჟერარდ ლარშესთან.

 

შალვა პაპუაშვილმა ისაუბრა ევროკომისიის 12 რეკომენდაციის შესრულების პროგრესზე და იმედი გამოთქვა, რომ წლის ბოლოს ევროპული საბჭო მიანიჭებს საქართველოს კანდიდატი ქვეყნის სტატუსს.

 

საფრანგეთის სენატის თავმჯდომარემ აღნიშნა, რომ საფრანგეთი კვლავ განაგრძობს საქართველოს მხარდაჭერას ევროინტეგრაციის გზაზე. ჟერარდ ლარშემ საუბრისას ხაზი გაუსვა საქართველოს ჩრდილოატლანტიკურ ალიანსში გაწევრიანების მისწრაფებაზე და აღნიშნა, რომ მისი წვლილი გლობალური უსაფრთხოებისა და რეგიონში სტაბილურობის უზრუნველსაყოფად განუზომელია.

 

საქართველოს პარლამენტის თავმჯდომარემ ასევე ისაუბრა ქვეყანაში არსებულ ეკონომიკურ და პოლიტიკურ ვითარებაზე.

 

შეხვედრაზე მხარეებმა საქართველოსა და საფრანგეთს შორის არსებულ მჭიდრო პარტნიორულ ურთიერთობებზე და წლების მანძილზე არსებული ისტორიული და კულტურული თანამშრომლობის გაღრმავების მზაობა გამოხატეს.

 

ინფორმაციას პარლამენტი ავრცელებს.

 

 

 

წყარო  :  IPN /www.interpressnews.ge/

წაკითხულია : 235


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები