საზოგადოება

„ჯემ ფესტთან“ დაკავშირებულ საკითხზე გამოძიება დაიწყო – მიმდინარეობს მოწმეთა დაკითხვა

18.08.17 17:00


ფინანსთა სამინისტროს საგამოძიებო სამსახურში „ჯემ ფესტთან“ დაკავშირებულ საკითხზე გამოძიება დაიწყო და მიმდინარეობს მოწმეთა დაკითხვა – ამის შესახებ „კვირას“ ფინანსთა სამინისტროს საგამოძიებო სამსახურიდან აცნობეს.

ამ საკითხთან დაკავშირებით უწყება განცხადებას ავრცელებს, რომელსაც „კვირა“ უცვლელად გთავაზობთ:

„საქართველოს ფინანსთა სამინისტროს საგამოძიებო სამსახურში მიმდინარეობს გამოძიება, სისხლის სამართლის №092090817006 საქმეზე, ზუგდიდის მუნიციპალიტეტის სოფლების – ანაკლიასა და განმუხურის ტერიტორიაზე, 2017 წლის 14 ივლისიდან 14 აგვისტომდე პერიოდში, შპს „არტ პლატფორმას“ (ს/კ 404520185) მიერ ჩატარებული ელექტრონული მუსიკის ფესტივალის „GEM FEST“ ფარგლებში შესაძლო ფინანსური ხასიათის დარღვევებთან დაკავშირებით.

ამ ეტაპზე, საქმეზე ტარდება შესაბამისი საგამოძიებო მოქმედებები.

კერძოდ, დოკუმენტების ამოღება, ინფორმაციის გამოთხოვა, მოწმეთა გამოკითხვა“, – ნათქვამია უწყების განცხადებაში.



წყარო : /www.kvira.ge/

წაკითხულია : 208


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები