ეკონომიკა

პარკ „მზიურის“ განახლებაზე ცხრა მილიონი ლარი დაიხარჯება

13.02.18 15:05


პარკი „მზიურის“ განახლებაზე, რომელიც 2015 წლის გამანადგურებელი წყალდიდობის შედეგად ძალიან დაზარალდა, დაახლოებით 9 მილიონი ლარი დაიხარჯება, ნათქვამია სახელმწიფო შესყიდვების სააგენტოს ვებ–გვერდზე განთავსებულ მასალებში.

ტენდერი მუნიციპალური განვითარების ფონდმა გამოაცხადა, ხოლო დონორია ევროპის საინვესტიციო ბანკი. ამ დროისთვის პარკის განახლებაში მონაწილეობის მიღების სურვილი ექვსმა კომპანიამ გამოთქვა.

განაცხადების მიღება 28 იანვარს დაიწყო და 1 თებერვალს დასრულდა. ტენდერის პირობებით, გამარჯვებულმა კომპანიამ სამუშაოები 540 დღის განმავლობაში უნდა ჩაატაროს.

პარკი „მზიური“ 2015 წლის 13 ივნისის წყალდიდობისას ძალიან დაზარალდა. იმ ღამით ვერეს ხეობაში დაიტბორა საცხოვრებელი სახლები, ზოოპარკი, თამაზ ელიზბარაშვილის ძაღლების კერძო თავშესაფარი, ასევე ქალაქის ცენტრალური ქუჩები.

წყალდიდობისას დაიღუპა 21 ადამიანი, ორი ამ დრომდე უგზო–უკვლოდ დაკარგულია.

საცხოვრებლის გარეშე დარჩა ათობით ოჯახი. „მზიურში“ წყალდიდობის შემდეგ მოწყობისა და გამწვანების სამუშაოები დაიწყო. პარკში გამოჩნდა განახლებული ამფითეატრი, სოციალური კაფე, საგანმანათლებლო ცენტრი და სპორტული კომპლექსი.




წყარო : Sputnik საქართველო /www.sputnik-georgia.com/

წაკითხულია : 208


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები