ეკონომიკა

აზერბაიჯანულმა კომპანიამ საქართველოში 1,5 მლრდ დოლარის ინვესტიცია ჩადო

24.09.18 16:00


აზერბაიჯანულმა სახელმწიფო ნავთობკომპანიამ SOCAR საქართველოში საქმიანობის დღიდან ქვეყანაში 1,5 მილიარდ აშშ დოლარზე მეტი ინვესტიცია ჩადო, იუწყება „Sputnik-აზერბაიჯანი" კომპანიის წლიურ ანგარიშზე დაყრდნობით.

„სოკარი" 2018 წელს თავისი შვილობილი კომპანიის SOCAR Georgia Gas მეშვეობით საქართველოში 1,8 კუბომეტრი გაზის მიწოდებას გეგმავს, რაც გასული წლის მაჩვენებელზე 28.57%-ით მეტია.

ანგარიშის თანახმად, SOCAR Georgia Gas-მა 2017 წელს საქართველოს მიაწოდა 1,4 მლრდ კუბომეტრი გაზი, 194,2 მლნ კუბომეტრი ქვეყანას მიაწოდა SOCAR Georgia Gas Distribution-მა.

მთლიანობაში SOCAR Georgia Gas-მა საქართველოში 2008 წლიდან 190 მლნ დოლარი ჩადო და 150 ათასი აბონენტის გაზიფიცირება მოახდინა. მთელი საქართველოს მასშტაბით „სოკარი" 590 ათას აბონენტს ემსახურება.

რაც შეეხება ნავთობს, გასულ წელს აზერბაიჯანული სახელმწიფო კომპანიის კიდევ ერთმა შვილობილმა კომპანიამ SOCAR Georgia Petroleum საქართველოს მიაწოდა 347 მლნ ლიტრი ნავთობი. ამ კომპანიის საერთო ინვესტიციებმა საქართველოში 196 მლნ დოლარი შეადგინა.

„სოკარი" ამჟამად საქართველოში ბუნებრივი აირის, ნავთობისა და ნავთობპროდუქტების ძირითადი მიმწოდებელია.

საქართველოში კომპანიაში დაახლოებით ოთხი ათასი თანამშრომელი მუშაობს და მოქმედებს 116 ბენზინგასამართი სადგური.



წყარო : Sputnik საქართველო /www.sputnik-georgia.com/

წაკითხულია : 154


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები