პოლიტიკა

სალომე ზურაბიშვილი ჯანდაცვის მსოფლიო ორგანიზაციას ოკუპირებულ აფხაზეთში მცხოვრები მოსახლეობის დახმარებისათვის მადლობას უხდის

20.03.20 17:40


საქართველოს პრეზიდენტი სალომე ზურაბიშვილი ჯანდაცვის მსოფლიო ორგანიზაციას სწრაფი რეაგირებისა და ოკუპირებულ აფხაზეთში მცხოვრები მოსახლეობის დახმარებისათვის მადლობას უხდის.

„საქართველოს პრეზიდენტის და WHO-ს გენერალური დირექტორის სატელეფონო საუბრის შემდეგ, სადაც ოკუპირებულ ტერიტორიაზე მცხოვრებ მოსახლეობაში კორონავირუსის გავრცელების რისკებისგან დაცვის აუცილებლობაზე იმსჯელეს, ოკუპირებულ აფხაზეთში ჯანდაცვის მსოფლიო ორგანიზაციის დელეგაცია ჩავიდა.

პრეზიდენტი სოციალური ქსელის მეშვეობით მადლობას უხდის ჯანმრთელობის მსოფლიო ორგანიზაციას სწრაფი რეაგირებისა და ოკუპირებულ აფხაზეთში კორონავირუსთან საბრძოლველად ელემენტარული სამედიცინო დახმარების ჩატანისთვის“, – აცხადებენ პრეზიდენტის ამდინისტრახიაში.

„ამ საერთო გაჭირვების ჟამს ჩვენ ვდგავართ ჩვენი მოქალაქეების გვერდით“, – აცხადებს საქართველოს პრეზიდენტი.

ოკუპირებულ აფხაზეთში ჯანდაცვის მსოფლიო ორგანიზაციის საქართველოს ოფისის ხელმძღვანელი ჩავიდა.





წყარო : /www.1tv.ge/

წაკითხულია : 217


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები