პოლიტიკა

ნინო წილოსანი ჩეხეთის ელჩს შეხვდა

12.02.21 16:20


აგრარულ საკითხთა კომიტეტის თავმჯდომარე ნინო წილოსანი ჩეხეთის რესპუბლიკის ელჩს საქართველოში, პეტერ მიკისკას შეხვდა. ამის შესახებ ინფორმაციას საქართველოს პარლამენტი ავრცელებს.

 

როგორც განცხადებაშია ნათქვამი, მხარეებმა, გაცნობითი ხასიათის შეხვედრაზე, ძირითადი ყურადღება ორ ქვეყანას შორის სხვადასხვა სფეროში, განსაკუთრებით კი აგრარული მიმართულებით თანამშრომლობის საკითხებს დაუთმეს.

 

ნინო წილოსანის განცხადებით, ევროკავშირის ქვეყნები, მათი ადგილობრივი წარმომადგენლობები დიდ დახმარებას გვიწევენ ევროინტეგრაციის პროცესში და ეს შეხვედრაც ამ კუთხით განსაკუთრებით მნიშვნელოვანია, ვინაიდან ჩეხეთის რესპუბლიკას და საქართველოს განსაკუთრებულად მჭიდრო თანამშრომლობა აკავშირებს.

 

აგრარულ საკითხთა კომიტეტის თავმჯდომარემ ელჩისგან მიიღო ინფორმაცია იმ პროექტებისა და პროგრამების შესახებ, რომლებსაც ჩეხეთის რესპუბლიკა ჩვენს ქვეყანაში ახორციელებს და რომელთა დიდი ნაწილი მეტწილად დაცული ტერიტორიების და მიმდებარე სოფლების და იქ მცხოვრებელი ადამიანების მხარდაჭერასა და დახმარებაზეა კონცენტრირებული.

 

„დღევანდელი შეხვედრა ჩეხეთის ელჩთან, საელჩოს წარმომადგენლებთან იყო ნაყოფიერი. აუცილებლად უნდა აღინიშნოს ჩეხეთის რესპუბლიკის მონაწილეობა ჩვენი ქვეყნის განვითარებაში და მნიშვნელოვანია, რომ ამ მიმართულებით აქტიურობას ისინი მომავალშიც აპირებენ. დავსახეთ სამომავლო თანამშრომლობის კონკრეტული გეგმები. მათ შორის, ეს ეხება ისეთ მიმართულებებს, როგორიცაა ბიოპროდუქტების წარმოება და მათი პოპულარიზაცია ევროპაში, ასევე განათლების ხარისხის ზრდა აგრარულ სექტორში, პროექტი ფიტოსანიტარიის მიმართულებით და ა. შ.“, - განაცხადა ნინო წილოსანმა.

 

 

 

წყარო :  /www.imedinews.ge/

წაკითხულია : 307


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები