მსოფლიო

სომხეთში ქალებს ჯარში ნებაყოფლობით გაიწვევენ – კანონპროექტი

21.04.23 15:40


სომხეთის თავდაცვის მინისტრმა, სურენ პაპიკიანმა სომხეთის მთავრობის დღევანდელ, 21 აპრილის სხდომაზე წარმოადგინა კანონპროექტი, რომლის თანახმად, სომხეთში დაინერგება “საკუთარი ნების საფუძველზე სავალდებულო ჯარის სისტემა ქალებისთვის”. სომხეთის მთავრობამ კანონპროექტს მხარი დაუჭირა.

 

კანონპოექტის შესაბამისად, ქალები ნებაყოფლობით წავლენ ჯარში 6 თვის ვადით და ამ შემთხვევაში სამხედრო სამსახურის მოხდა სავალდებულო იქნება.

 

სომხეთის თავდაცვის მინისტრის განმარტებითვე, ქალები განაწილდებიან სასწავლო-სამხედრო ნაწილებში და აქვე გაივლიან სამხედრო სამსახურს. 6 თვის შემდეგ კი მიიღებენ ხელფასს 1 მილიონი დრამის [დაახლოებით, 2.5 ათასი აშშ დოლარი] ოდენობით. ასევე, ჯარის გავლის შემდეგ ქალები მიიღებენ უფლებას 5- წლიანი კონტრაქტით მუშაობის დაწყებაზე.

 

სომხეთის მთავრობამ კანონპროექტი დასამტკიცებლად პარლამენტს გაუგზავნა.

 

 

 

წყარო : /www. netgazeti.ge/

წაკითხულია : 181


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები