პოლიტიკა

საქართველო-კატარის დიპლომატიური ურთიერთობების 30 წლისთავთან დაკავშირებით ერთობლივი საიუბილეო საფოსტო მარკები გამოიცა

20.06.23 14:20


კატარის სახელმწიფოში საქართველოს ელჩმა, ნიკოლოზ რევაზიშვილმა და კატარის ფოსტის თავმჯდომარემ, ფალეჰ მუჰამედ ალ ნუაიმიმ 18 ივნისს ქალაქ დოჰაში საქართველოსა და კატარის სახელმწიფოს შორის დიპლომატიური ურთიერთობების დამყარების 30-ე საიუბილეო წლისთავისადმი მიძღვნილი საფოსტო მარკები წარადგინეს.

 

ნიკოლოზ რევაზიშვილმა მადლობა გადაუხადა კატარულ მხარეს მჭიდრო თანამშრომლობისთვის. ღონისძიებაზე კიდევ ერთხელ გაუსვეს ხაზი საქართველოსა და კატარს შორის არსებულ ურთიერთობებს.

 

მხარეებმა აღინიშნეს, რომ ერთობლივი საიუბილეო საფოსტო მარკა, რომელზეც საქართველოსა და კატარის დედაქალაქების ღირშესანიშნაობები არის გამოსახული, წარმოადგენს ორი ქვეყნის მეგობრული ურთიერთობების კიდევ ერთ სიმბოლოს. საიუბილეო საფოსტო მარკების გამოცემის ცერემონია კატარის სახელმწიფოში საქართველოს საელჩოს ინიციატივით და კატარის და საქართველოს ფოსტებთან ერთობლივი თანამშრომლობით გაიმართა.

 

 

 

წყარო :  /www.1tv.ge/

წაკითხულია : 226


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები