პოლიტიკა
21.06.23 10:00
გაერთიანებული სამეფო საქართველოს მიერ დამოუკიდებლობის მოპოვების დღიდან ჩვენი სანდო და ერთგული მოკავშირეა, – ამის შესახებ საქართველოს პრემიერ-მინისტრმა, ირაკლი ღარიბაშვილმა დიდი ბრიტანეთისა და ჩრდილოეთ ირლანდიის გაერთიანებული სამეფოს მეფის, ჩარლზ III-ის ოფიციალური დაბადების დღის აღსანიშნავ მიღებაზე სიტყვით გამოსვლისას განაცხადა.
მთავრობის მეთაურის თქმით, გაერთიანებულ სამეფოსა და საქართველოს დიდი ხნის სტრატეგიული პარტნიორობა აკავშირებთ.
„ჩემთვის პატივი და სიამოვნებაა, ვიმყოფებოდე აქ და გულითადად ვულოცავდე მონარქის დაბადების დღეს მის უდიდებულესობას, მეფე ჩარლზ III-ს, დიდი ბრიტანეთისა და ჩრდილოეთ ირლანდიის გაერთიანებული სამეფოს ხალხს ამ ისტორიულ დღეს.
გაერთიანებულ სამეფოსა და საქართველოს დიდი ხნის სტრატეგიული პარტნიორობა აკავშირებთ. ჩვენი მეგობრობა და თანამშრომლობა კიდევ უფრო მჭიდრო გახდა რეგიონში უსაფრთხოების სფეროში არსებული გამოწვევების ფონზე. ნება მიბოძეთ, ქართველი ხალხისა და ჩემი მთავრობის სახელით, უდიდესი მადლიერება გამოვხატო გაერთიანებული სამეფოს მიმართ საქართველოს სუვერენიტეტისა და ტერიტორიული მთლიანობის ურყევი მხარდაჭერისთვის. გაერთიანებული სამეფო საქართველოს მიერ დამოუკიდებლობის მოპოვების დღიდან ჩვენი სანდო და ერთგული მოკავშირეა.
ჩვენი სტრატეგიული პარტნიორობა 1919 წლიდან იღებს დასაბამს, როდესაც სერ ჯონ ოლივერ და მარჯორი უორდროპებმა საფუძველი ჩაუყარეს ჩვენს ქვეყნებს შორის ხანგრძლივ მეგობრობას. ამდენად, მხოლოდ სიმბოლური არ არის ის ფაქტი, რომ ჩვენ ასეთი მჭიდრო ურთიერთობები ჩამოგვიყალიბდა უორდროპის სტრატეგიული დიალოგის ფორმატში. ამ პლატფორმამ შესაძლებლობა მოგვცა, გავაგრძელოთ წინაპართა ტრადიცია და საერთო ინტერესების ირგვლივ გავმართოთ სისტემატური დისკუსიები.
საქართველოში ახლახან იმყოფებოდა მდივანი ჯეიმს ქლევერლი და ამ ვიზიტით დადასტურდა გაერთიანებული სამეფოს მიერ რეგიონისადმი, ჩვენი სტრატეგიული პარტნიორობისადმი ნაკისრი ვალდებულება, რომელიც ეფუძნება საერთო ღირებულებებს, თავისუფლებისა და დემოკრატიის პრინციპებს. მინდა, გამოვიყენო ეს შესაძლებლობა და მადლობა გადავუხადო გაერთიანებული სამეფოს მთავრობას ჩვენი სახელმწიფო ინსტიტუტების გაძლიერების პროცესში ჩართულობისათვის და, ჯეროვანი მმართველობის ფონდის მიერ მხარდაჭერილი პროგრამის ფარგლებში, ჩვენი დემოკრატიული განვითარების ხელშეწყობისთვის“, – აღნიშნა პრემიერმა.
მთავრობის მეთაურის თქმით, საქართველოსა და გაერთიანებულ სამეფოს თავდაცვისა და უსაფრთხოების სფეროში განსაკუთრებული თანამშრომლობა აკავშირებს.
„სტრატეგიული პარტნიორობისა და თანამშრომლობის შეთანხმებას 2019 წელს მოეწერა ხელი. ეს კიდევ ერთ მნიშვნელოვან საეტაპო მოვლენად იქცა ჩვენს ურთიერთობებში. ამ დოკუმენტით განმტკიცდა ჩვენი პარტნიორობა და შეიქმნა მტკიცე იურიდიული ჩარჩო თანამშრომლობისა და თავისუფალი სავაჭრო ურთიერთობების ფართო შესაძლებლობების რეალიზებისათვის.
გაერთიანებული სამეფო ყოველთვის გვაძლევდა შესანიშნავ მაგალითებს იმისა, როგორ შეიძლება საუკუნოვანმა ტრადიციებმა კიდევ უფრო გააძლიეროს სახელმწიფო ინსტიტუტები ინდივიდის თავისუფლების დათმობის გარეშე. თქვენმა დიდმა კულტურამ და ტრადიციებმა, ისევე როგორც თქვენმა მტკიცე პოზიციამ თავისუფლებისა და დემოკრატიის საკითხებთან დაკავშირებით, განაპირობა ჩვენი ხანგრძლივი მეგობრობა.
დამოუკიდებლობის ხელახლა მოპოვების შემდეგ ჩვენ რამდენიმე ომი გამოვიარეთ და კარგად ვიცით მეგობრების გვერდში დგომის ფასი. დიდად ვიმედოვნებთ, რომ გაერთიანებული სამეფო ურყევად გააგრძელებს ჩვენს დახმარებას კონფლიქტის მშვიდობიანი მოგვარებისა და ევროატლანტიკურ სივრცეში საქართველოს ინტეგრაციის გზაზე. გაერთიანებულ სამეფოსთან ერთად, საქართველო ყოველთვის იცავდა საერთაშორისო წესებზე დაფუძნებულ წყობას და ყოველთვის ემხრობოდა საერთაშორისო ფუნდამენტურ ნორმებსა და ადამიანის უფლებებს, რადგან ესაა მდგრადი მშვიდობისა და უსაფრთხოების შექმნის გარანტი.
ჩვენი ქვეყნების თანამშრომლობის სფეროში თავდაცვა და უსაფრთხოება ერთ-ერთი ყველაზე დინამიკური ნაწილია და მოიცავს ტრადიციულსა და არატრადიციულ მიმართულებებს. დიდად მადლობელი ვართ მისი უდიდებულესობის მთავრობის იმ მნიშვნელოვანი წვლილისთვის, რომელიც საქართველოს მედეგობის გაძლიერებას ემსახურება.
იმავდროულად, თანამშრომლობა კულტურისა და განათლების სფეროებში ჩვენი პარტნიორობის საკვანძო კომპონენტებია, რადგან წამყვან როლს თამაშობს ხანგრძლივი კავშირების დამყარებაში გაერთიანებულ სამეფოსა და საქართველოს შორის.
მეგობრებო, დარწმუნებული ვარ, ერთობლივი ძალისხმევით კიდევ უფრო გავაღრმავებთ კავშირებს და ახალ სამიზნე ორიენტირებს დავსახავთ ჩვენი პარტნიორობის გზაზე, რათა იყოს მშვიდობა და სტაბილურობა ეკონომიკური აღმავლობისა და ჩვენი ერების კეთილდღეობის უზრუნველსაყოფად.
თქვენო აღმატებულებავ, ძვირფასო სტუმრებო, კიდევ ერთხელ გულისხმიერად და გულწრფელად ვულოცავ მის უდიდებულესობას მეფე ჩარლზ III-ს! დაე, მისი მმართველობა დალოცვილი ყოფილიყოს მშვიდობით, კეთილდღეობითა და სიხარულით! ღმერთმა დალოცოს მეფე!“ – განაცხადა პრემიერმა.
ღონისძიებაზე მიწვეულ სტუმრებს სიტყვით მიმართა საქართველოში გაერთიანებული სამეფოს ელჩმა, მარკ კლეიტონმა.
საზეიმო მიღებას, რომელიც გაერთიანებული სამეფოს საელჩოში გაიმართა, საქართველოს აღმასრულებელი და საკანონმდებლო ხელისუფლების, ასევე დიპლომატიური კორპუსის წარმომადგენლები ესწრებოდნენ.
წყარო : /www.1tv.ge/
წაკითხულია : 199
დატოვეთ კომენტარები
ახალი ამბები
-
12:0603.05.24
-
18:0002.05.24
-
17:2802.05.24
-
17:0002.05.24
-
ირაკლი კობახიძე ევროპის საინვესტიციო ბანკის ვიცე-პრეზიდენტს, ტერეზა ჩერვინსკას შეხვდა
16:3602.05.24
-
ნათია თურნავამ ADB-ის 57-ე წლიური შეხვედრის პანელურ დისკუსიაში მიიღო მონაწილეობა
16:0402.05.24
-
15:4002.05.24
-
15:1702.05.24
-
საქსტატი - აპრილში ყველაზე მეტად 12.6 პროცენტით გაიაფდა ზეთი, ხილი კი 37.9 პროცენტით გაძვირდა
14:4502.05.24
-
14:1902.05.24
-
თეა წულუკიანმა აზერბაიჯანში, კულტურათაშორისი დიალოგის VI მსოფლიო ფორუმში მიიღო მანაწილეობა
13:5002.05.24
-
13:1802.05.24
-
12:4202.05.24
-
საქართველოს პარლამენტი - დღეს ბიუროს და პლენარული სხდომები არ გაიმართება
12:0902.05.24
-
11:4002.05.24
-
საქართველოს პარლამენტის საგარეო ურთიერთობათა კომიტეტის წევრები აშშ-ის კონგრესმენებს შეხვდნენ
11:1602.05.24
-
ოთარ შამუგია: ფერმერების მხარდასაჭერად 15-ზე მეტ პროექტს ვახორციელებთ
10:3502.05.24
-
სტამბოლში გამართულ აქციაზე პოლიციამ 217 დემონსტრანტი დააკავა
10:1102.05.24
-
ეჩმიაძინი სამხრეთ კავკასიაში მშვიდობის წინააღმდეგ? მერამდენედ...
18:5501.05.24
-
თორნიკე რიჟვაძე გაეროს ბავშვთა ფონდის (UNICEF) საქართველოს ოფისის ხელმძღვანელს იესპერ მოლერს შეხვდა
18:0001.05.24
-
ირაკლი კობახიძე ხერტ იან კოოპმანს შეხვდა
17:4301.05.24
-
იაგო ხვიჩია - აქციაზე პოლიციელები რომ არ ყოფილიყვნენ, არაფერი მოხდებოდა
17:2501.05.24
-
17:0501.05.24
-
16:4501.05.24
-
არჩილ თალაკვაძე - პოლიტიკური უმცირესობის ძალადობრივი გეგმის ნაწილია სიტუაციის გაუარესება
16:1401.05.24
-
გიორგი ჩაკვეტაძე - არ დავუშვებთ, რომ ქვეყანაში მოხდეს არეულობა, არ დავუშვებთ, პროვოკაციები მოაწყონ
15:4201.05.24
-
15:2101.05.24
-
კახა კალაძე ოპოზიციას - მოდის არჩევნები, მოიგეთ და შეცვალეთ ეს კანონი, თუ არ მოგწონთ, რა პრობლემაა
15:0001.05.24
-
14:3901.05.24
-
5 და 6 მაისს დედაქალაქში მეტრო და ავტობუსები გახანგრძლივებული დროით იმოძრავებენ
14:0901.05.24
-
13:4101.05.24
-
შალვა პაპუაშვილი ოპოზიციას - ევროპა არის კანონმორჩილება, დაემორჩილეთ კანონს!
13:2601.05.24
-
ფინანსთა მინისტრი ლაშა ხუციშვილი აზიის განვითარების ბანკის პრეზიდენტს შეხვდა
13:0001.05.24
-
პარლამენტის პლენარულ სხდომა სიტყვიერი და ფიზიკური დაპირისპირების ფონზე განახლდა
12:3501.05.24
-
გერმანიის ელჩი - ძალადობა უნდა შეწყდეს, ეს გამოსავალი არასდროს არის
12:1201.05.24
-
კახა კალაძე - ყოველთვის დავდგებით მოწოდების სიმაღლეზე
11:5001.05.24