მსოფლიო

ყარაბაღიდან სომხეთში 13 500-ზე მეტი ადამიანი შევიდა

26.09.23 11:00


ყარაბაღის რეგიონიდან სომხეთის ტერიტორიაზე უკვე 13 500-ზე მეტი ადამიანი შევიდა, - ინფორმაციას სომხეთის მთავრობა ავრცელებს.

 

„26 სექტემბერს 8:00 საათის მდგომარეობით, სომხეთის რესპუბლიკაში მთიანი ყარაბაღიდან 13 550 იძულებით გადაადგილებული პირი შემოვიდა“, - ნათქვამია სომხეთის მთავრობის განცხადებაში.

 

მათი განმარტებით, მთავრობა ყველა მოქალაქეს, ვისაც წინასწარ განსაზღვრული საცხოვრებელი ადგილი არ აქვს, შესაბამისი საცხოვრებლით უზრუნველყოფს.

 

შეგახსენებთ, ყარაბაღის რეგიონის ეთნიკურად სომეხმა მოსახლეობამ რეგიონის დატოვება აზერბაიჯანის მიერ რეგიონში განხორციელებული ოპერაციის შემდეგ დაიწყო, რომელიც, აზერბაიჯანის ხელისუფლების განმარტებით, რეგიონში კონსტიტუციური წესრიგის აღდგენის მიზნით ჩაატარეს.

 

 

 

წყარო  :  IPN /www.interpressnews.ge/

წაკითხულია : 109


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები