პოლიტიკა

ბერბოკმა ოფიციალური ვიზიტის პირველი შეხვედრა არასამთავრობოებთან გამართა

24.03.23 12:00


გერმანიის ფედერაციული რესპუბლიკის საგარეო საქმეთა მინისტრი, ანალენა ბერბოკი საქართველოში 2-დღიანი ოფიციალური ვიზიტით იმყოფება. ვიზიტის ფარგლებში მან პირველი შეხვედრა არასამთავრობო ორგანიზაციებთან გამართა.

 

შეხვედრას, რომელიც „ახალგაზრდა იურისტთა ასოციაციაში“ გაიმართა, რამდენიმე ორგანიზაცია ესწრებოდა, მათ შორის ISFED და „საერთაშორისო გამჭვირვალობა – საქართველო“.

 

როგორც არასამთავრობო ორგანიზაციების წარმომადგენლები აცხადებენ, საუბარი ძირითადად საქართველოში მიმდინარე მოვლენებსა და ქვეყნის ევროპულ გეზს ეხებოდა.

 

„ჩვენი მთავარი გზავნილი იყოს, რომ საქართველოში ჩვენს მოქალაქეებს, ქართულ საზოგადოებას უნდა ევროკავშირისგან [წევრობის კანდიდატის] სტატუსი და ჩვენ ვიმსახურებთ ამ სტატუსს.

 

ჩვენ უნდა მივიღოთ ეს სტატუსი და ჩვენ ჩვენის მხრიდან გავაკეთებთ ყველაფერს, რომ წლის ბოლოს სტატუსი მივიღოთ ევროკავშირისგან, მაგრამ ასევე, რა თქმა უნდა, გვჭირდება ჩვენი დასავლელი პარტნიორების დახმარება ამ მიმართულებით,“ – თქვა შეხვედრის შემდეგ ორგანიზაციის „საერთაშორისო გამჭვირვალობა – საქართველო“ ხელმძღვანელმა ეკა გიგაურმა ჟურალისტებთან და დასძინა, რომ მან ასევე ისაუბრა მედიაგარემოსა და ნიკა გვარამიას პატიმრობაზე.

 

 

წყარო :  /www. netgazeti.ge/

წაკითხულია : 172


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები