მსოფლიო

უნგრეთმა უკრაინისთვის დახმარების €50-მილიარდიანი პაკეტი დაბლოკა

15.12.23 10:25


უნგრეთმა უკრაინისთვის ევროკავშირის დახმარების მორიგი პაკეტი დაბლოკა, რომლის ღირებულებაც 50 მილიარდ ევროს შეადგენდა. ამის შესახებ BBC წერს.

 

გამოცემის ინფორმაციით, უნგრეთის პრემიერ-მინისტრმა, ვიქტორ ორბანმა პაკეტის მიღება უკრაინასთან ევროკავშირში გაწევრიანების შესახებ მოლაპარაკებების დაწყების შესახებ ბრიუსელის გადაწყვეტილებიდან რამდენიმე საათში დაბლოკა.

 

„ღამის შეჯამება: ვეტო უკრაინისთვის დამატებით თანხაზე“, - დაწერა მან სოციალურ ქსელში ბრიუსელში მოლაპარაკებების შემდეგ.

 

ევროკავშირის ლიდერები უკრაინისთვის დახმარების საკითხზე მსჯელობას მომავალ წელს გააგრძელებენ.

 

უნგრეთის პრემიერ-მინისტრი ვიქტორ ორბანი ევროკავშირის ლიდერების მიერ უკრაინასთან მოლაპარაკებების დაწყების შესახებ მიღებულ გადაწყვეტილებას აკრიტიკებს და აცხადებს, რომ ბუდაპეშტი ამ გადაწყვეტილების მიღებაში არ მონაწილეობდა.

 

imedinews.ge

წაკითხულია : 217


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები