ეკონომიკა

2019 წლის იანვარ-მაისში ქართული ღვინიდან ექსპორტზე ყველაზე მეტი “ქინძმარაული” გავიდა

03.06.19 13:00


ღვინის ეროვნული სააგენტოს ინფორმაციით, 2019 წლის იანვარ-მასიში ღვინის ექსპორტი წინა წლის შესაბამის პერიოდთან შედარებით 6%-ით გაიზარდა. ყველაზე დიდი ოდენობით 6 მილიონ ბოთლზე მეტი „ქინძმარაულის” ღვინო გაიყიდა, შემდეგ მოდის “მუკუზანი”; წინანდალი და სხვა.

სააგენტოს ცნობითვე, 2019 წლის იანვარ-მაისში საქართველოდან მსოფლიოს 39 ქვეყანაში 33,6 მლნ ბოთლი ღვინოა ექსპორტირებული და ექსპორტიდან მიღებულმა შემოსავალმა 87 მლნ აშშ დოლარს გადააჭარბა.

“ექსპორტი გაიზარდა ქართული ღვინის სტრატეგიულ ბაზრებზე: აშშ – 126% (322835 ბოთლი), ჩინეთი – 27% (2972733) და პოლონეთი – 18% (1540182). ზრდა აღსანიშნავია ასევე შემდეგ ქვეყნებში: საფრანგეთი – 91% (46254), ისრაელი – 72% (131184), ლიეტუვა – 57% (270564), ბელარუსი – 47% (680906), ესტონეთი – 33% (287582), ნიდერლანდები – 27% (42380), კანადა – 26% (76860), მონღოლეთი – 22% (106452), გერმანია – 9% (274721), რუსეთი – 5% (21372581) და ა.შ.

ექსპორტიორი ქვეყნების ხუთეულია: რუსეთი (21372581), უკრაინა (3080562), ჩინეთი (2972733), პოლონეთი (1540182) და ყაზახეთი (1223256).

ადგილწარმოშობის დასახელებებიდან ყველაზე დიდი რაოდენობით ექსპორტირებულია „ქინძმარაული“ – 6047911 ბოთლი (ზრდა 6%), “მუკუზანი“ – 1957553 (ზრდა 20%), „წინანდალი“ – 1509961 (ზრდა 10%), ახაშენი – 638878 (0%), „ხვანჭკარა“ – 402802 (ზრდა 43%) და ა.შ,”-წერია სააგენტოს მიერ გავრცელებულ განცხადებაში.

ღვინის ეროვნულის სააგენტოს ინფორმაციით, იანვარ-მაისში ღვინის ექსპორტი 203-მა კომპანიამ განახორციელა.




წყარო : /www. netgazeti.ge/

წაკითხულია : 172


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები