პოლიტიკა

სტრასბურგში საქართველოს საპარლამენტო დელეგაცია დუნია მიატოვიჩს შეხვდა

29.01.21 10:30


საქართველოს საპარლამენტო უმრავლესობის ლიდერი, ევროსაბჭოს საპარლამენტო ასამბლეის ვიცე პრეზიდენტი, ირაკლი კობახიძე და საქართველოს საპარლამენტო დელეგაციის წევრი, გივი მიქანაძე ადამიანის უფლებათა კომისარს დუნია მიატოვიჩს შეხვდნენ.

 


პარლამენტის პრესსამსახურის ინფორმაციით, მხარეებმა, საქართველოში არსებული ადამიანის უფლებების ზოგადი მდგომარეობა მიმოიხილეს და ისაუბრეს უკვე განხორციელებულ და უახლოეს მომავალში დაგეგმილ რეფორმებზე.

 

გივი მიქანაძის თქმით, ადამიანის უფლებათა მდგომარეობის კუთხით, საქართველოში არსებული სიტუაცია დადებითად იქნა შეფასებული.

 

ქართველმა პარლამენტარებმა, დუნია მიატოვიჩს გააცნეს ადამიანის უფლებების დაცვის თვალსაზრისით, იურიდიულ საკითხთა და ადამიანის უფლებათა დაცვისა და სამოქალაქო ინტეგრაციის კომიტეტების უახლოესი გეგმები.

 

შეხვედრაზე საუბარი შეეხო აგრეთვე, პენიტენციური სისტემის შემდგომი რეფორმირებისთვის, იურიდიულ კომიტეტში დაგეგმილ აქტივობებს, რომელიც სამუშაო ჯგუფის წევრების და სამოქალაქო სექტორის ჩართულობით წარიმართება.

 

„შეხვედრისას, ასევე აღინიშნა, რომ სწორედ მეცხრე მოწვევის პარლამენტში, „ქართული ოცნების“ ხელისუფლების პირობებში, შეიქმნა სპეციალური პლატფორმა, როდესაც სახალხო დამცველის წლიურ ანგარიშში ასახულ რეკომენდაციებზე ადამიანის უფლებათა დაცვის კომიტეტში ტარდება საჯარო განხილვები.

 

პარლამენტის აქტიური ზედამხედველობით სამინისტროების პირველი პირები წარადგენენ ანგარიშს ომბუდსმენის რეკომენდაციების შესრულებასთან დაკავშირებით, რაც მნიშვნელოვნად განაპირობებს მის შესრულებასა და განხორციელებას“, - განაცხადა გივი მიქანაძემ შეხვედრის დასრულების შემდეგ.

 

 

წყარო :  /www .pia.ge/

წაკითხულია : 415


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები