პოლიტიკა

მაკა ბოჭორიშვილი სტრასბურგში ევროპარლამენტში შეხვედრებს მართავს

19.01.22 16:20


ევროპასთან ინტეგრაციის კომიტეტის თავმჯდომარე მაკა ბოჭორიშვილი და თავმჯდომარის პირველი მოადგილე ლევან ქარუმიძე სამუშაო ვიზიტით სტრასბურგს ეწვივნენ.

 

პარლამენტის პრესსამსახურის ცნობით, ვიზიტის ფარგლებში მაკა ბოჭორიშვილმა და ლევან ქარუმიძემ შეხვედრები გამართეს ევროპარლამენტში საქართველოსთან ურთიერთობის დელეგაციის ხელმძღვანელთან, მარინა კალიურანდთან, ევრონესტის საპარლამენტო ასამბლეის თანაპრეზიდენტთან, ანდრიუს კუბილიუსთან; საქართველოს შესახებ ევროპარლამენტის მომხსენებელთან, სვენ მიკსერთან, ევრონესტის საპარლამენტო ასამბლეაში ასოცირების შეთანხმებების სამუშაო ჯგუფის ხელმძვანელთან ნაჩო სანჩეზ ამორთან; ევროპარლამენტის რუსეთის დელეგაციის ხელმძღვანელთან, რიხარდ ჩარნეცკისთან; საგარეო ურთიერთობათა კომიტეტის წევრებთან, ვიოლა ფონ კრამონთან და პეტრას ოსტრევიჩიუსთან და ევროპარლამენტის სხვადასხვა პოლიტიკური ჯგუფის წარმომადგენლებთან.

შეხვედრების ფარგლებში მხარეებმა ევროკავშირსა და საქართველოს შორის თანამშრომლობის დღის წესრიგსა და სამომავლო გეგმებზე ისაუბრეს, ასევე იმსჯელეს აღმოსავლეთ პარტნიორობის სამიტის შემდგომ ევროკავშირსა და ასოცირებულ ტრიოს შორის თანამშრომლობის გაძლიერების გზებზე, ევროკავშირის ერთიან ეკონომიკურ სივრცეში ინტეგრაციის მიზნით.

 

შეხვედრებზე საუბარი შეეხო რეგიონში უსაფრთხოების კუთხით არსებულ გამოწვევებს და რუსეთიდან მომდინარე საფრთხეებს. ამ კონტექსტში ხაზი გაესვა საქართველოს საკითხის სათანადოდ ასახვას ერთიანი საგარეო და უსაფრთხოების პოლიტიკისა (CFSP) და ერთიანი უსაფრთხოებისა და თავდაცვის პოლიტიკის (CSDP) განხორციელების შესახებ რეზოლუციებში, რომელზეც მუშაობა ევროპარლამენტში ამჟამად მიმდინარეობს. ევროპარლამენტარებმა მზადყოფნა გამოთქვეს, ხელი შეუწყონ საქართველოს ევროკავშირში ინტეგრაციის პროცესსა და საქართველოს საკითხის ევროკავშირის დღის წესრიგში და მიმდინარე განხილვებში აქტიურად წარმოჩენას.

 

ევროპარლამენტარებთან შეხვედრების ფარგლებში დაიგეგმა კონკრეტული ღონისძიებები საქართველოს პარლამენტსა და ევროპარლამენტს შორის თანამშრომლობის გაღრმავების კუთხით მათ შორის, უახლოეს მომავალში ევროპარლამენტის წევრების ვიზიტები საქართველოში და საქართველოს საპარლამენტო დელეგაციების შეხვედრები ბრიუსელში.

 

 

წყარო :  /www.1tv.ge/

წაკითხულია : 109


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები