საზოგადოება

საგანმანათლებლო სფეროში საქართველოსა და ჩინეთს შორის ურთიერთობა გაღრმავდება

14.02.18 11:45


საქართველოს განათლებისა და მეცნიერების მინისტრმა, მიხეილ ჩხენკელმა, საქართველოში ჩინეთის სახალხო რესპუბლიკის ელჩთან, ჯი იანჩისთან გაცნობითი შეხვედრა გამართა.

შეხვედრაზე დადებითად შეფასდა განათლებისა და მეცნიერების სფეროში საქართველოსა და ჩინეთს შორის არსებული მრავალწლიანი თანამშრომლობა. აღნიშნული თანამშრომლობის გაღრმავების მიზნით, მიხეილ ჩხენკელმა ჩინეთის ელჩს კონკრეტული წინადადებები შესთავაზა, რომელიც გულისხმობს ერთობლივი საგანმანათლებლო პროექტების განხორციელებას, უნივერსიტეტებს შორის თანამშრომლობის ახალი ფორმატების ამოქმედებას, საქართველოსა და ჩინეთს შორის მნიშვნელოვნად გაზრდილი სავაჭრო და ეკონომიკური კავშირების განათლების მიმართულებით გამოყენებას და ა.შ.


შეხვედრის ბოლოს, მხარეებმა აღნიშნეს, რომ ორ ქვეყანას შორის განათლებისა და მეცნიერების სფეროში თანამშრომლობა ყოველწლიურად იზრდება და იმედი გამოთქვეს, რომ მათი ძალისხმევით ეს თანამშრომლობა მომავალში უფრო გაღრმავდება.





წყარო : /www .pia.ge/

წაკითხულია : 181


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები