პოლიტიკა

ქართული ოცნება ყველაფერს იკადრებს იმისთვის, რომ რამდენიმე ათასი ხმა მაინც მოიპაროს ამ არჩევენის მოსაგებად - კაპანაძე ცესკო-ს დადგენილებაზე

26.10.20 13:00


ევროპული საქართველოს საარჩევნო შტაბის ხელმძღვანელის, სერგი კაპანაძის თქმით, ცენტრალური საარჩევნო კომისიის დადგენილებით, რამდენიმე ათეულ ათას მოქალაქეს, რომლებიც არიან თვითიზოლაციაში ან საკარანტინე სივრცეებში, არ ექნებათ არჩევნებში მონაწილეობის უფლება.კაპანაძემ აღნიშნა, რომ ქართული ოცნება ყველაფერს იკადრებს, რათა ადამიანების ხმები მოიპაროს ამ არჩევნების მოსაგებად.

 

„ის დადგენილება, რომელიც ცესკომ გამოსცა, ვერ უძლებს ვერანაირ კრიტიკას, ეს არის სრული უპასუხისმგებლობა მათი მხრიდან და აშკარად ჩანს, რომ რაღაც სხვა მოტივები გააჩნიათ.

 

ამ დადგენილების მიხედვით, რამდენიმე ათეული ათასი ადამიანი ვერ მიიღებს მონაწილეობას არჩევნებში, აქ ცალსახად ჩანს, რომ ერთხიმხრივ, არც ბაზები გააჩნიათ და სრულიად მოუმზადებლები არიან, მეორემხირვ ჩანს, რომ დარეგისტრირებულ ადამიანთა რაოდენობა არის ძალიან მცირე.

 

ეს ნიშნავს იმას, რომ რამდენიმე ათეულ ათას ჩვენ მოქალაქეს არ ექნება კონსტიტუციით გარანტირებული უფლება, რომ მიიღოს მონაწილეობა არჩვენებში.

ჩვენ ამას აუცილებლად გავასაჩივრებთ, ეს არის სრულიად დაუშვებელი და ეს არის ამომრჩევლის ნების წინააღმდეგ წასვლა და მეტყველებს ორ რამეზე, თუ როგორი ჩამონგრეული და მართლა ჩაფლავებული მთავრობაა, რომელსაც ელემენტარული, ასეთი საკითხების მენეჯმენტიც კი არ შეუძლია, ან შეუძლია და ვერ აკეთებს და მეორე მეტყველებს იმაზე, რომ ქართული ოცნება ყველაფერს იკადრებს იმისთვის, რომ რამდენიმე ათასი ხმა მაინც მოიპაროს ამ არჩევენის მოსაგებად, მაგრამ არცერთი ეს ინსტრუმენტი არ იმუშავებს და აუცილებლად დამარცხდებიან, მათ შორის ამის გამოც 31 ოქტომბერს.“ - განაცხადა კაპანაძემ.

 

 

 

წყარო :  /www.newposts.ge/

წაკითხულია : 343


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები