პოლიტიკა

კახა კალაძე - კატეგორიულად მიუღებელია ეს ურთიერთობები გუნდის შიგნით, ყველაფერი უნდა გავაკეთოთ, რომ სიტუაცია დასტაბილურდეს

14.01.19 10:35


„პირადად ჩემთვის კატეგორიულად მიუღებელია ეს ურთიერთობები გუნდის შიგნით,“ - ამის შესახებ დედაქალაქის მერმა კახა კალაძემ ჟურნალისტებს განუცხადა, რითაც გამოეხმაურა გუნდის შიგნით არსებულ დაპირისპირებას. მისი თქმით, აუცილებლად მოხდება უმრავლესობის შეკრება, სადაც გუნდში არსებულ ყველა პრობლემურ საკითხზე იმსჯელებენ.

„ჩვენ აუცილებლად შევიკრიბებით და ვიმსჯელებთ ყველა საკითხზე, ყველა პრობლემურ თემაზე, რომელიც გუნდში არსებობს. რა თქმა უნდა, სამწუხაროა ის ყველაფერი, რაც ხდება. პირადად ჩემთვის კატეგორიულად მიუღებელია ეს ურთიერთობები გუნდის შიგნით და ყველაფერი უნდა გავაკეთოთ იმისთვის, რომ დამშვიდნენ, დაწყნარდნენ და დასტაბილურდეს სიტუაცია იმიტომ, რომ ჩვენ გვიყურებს ხალხი. ჩვენი ქვეყნის უმრავლესობა არიან ის ადამიანები, ვინც მხარი დაუჭირა და ხმა მისცა პარტია „ქართულ ოცნებას“. ამიტომ ძალიან დიდი პასუხისმგებლობა გვაქვს და ერთმანეთის მიმართ ეს დამოკიდებულება პირველ რიგში აზიანებს გუნდს, რაც ძალიან ცუდია,“ - განაცხადა კახა კალაძემ.




წყარო : IPN /www.interpressnews.ge/

წაკითხულია : 82


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები