პოლიტიკა

ამჟამად სანქციების გარეშე საქართველო აშკარად არასწორი მიმართულებით მიდის - დევიდ კრამერი

22.11.22 13:00


„ამჟამად სანქციების გარეშე საქართველო აშკარად არასწორი მიმართულებით მიდის“, - ამის შესახებ ტელეკომპანია „ფორმულას“ ეთერში ჯორჯ ბუშის საპრეზიდენტო ცენტრის აღმასრულებელმა დირექტორმა და ამერიკის სახელმწიფო მდივნის ყოფილმა თანაშემწემ დეივიდ კრამერმა განაცხადა. 

 

კრამერის თქმით, სანქციები იმათაც უნდა შეეხოს, ვინც ივანიშვილის დავალებებს ასრულებს. 

 

„მინდა ძალიან კარგად განვმარტო, თუ რას ვგულისხმობ. მე არ ვგულისხმობ სანქციებს ქართველი ხალხზე, მე არ ვგულისხმობ სანქციებს სახელმწიფოზე. ამ შემთხვევაში ვგულისხმობ კონკრეტულ, მიზანმიმართულ, ინდივიდუალურ სანქციებს ინდივიდების წინააღმდეგ, რომლებიც საქართველოს არასწორი მიმართულებით მიუძღვებიან.

 

ეს დაიწყება ბატონი ივანიშვილისგან, რომელსაც მიუხედავად იმისა, რომ არ აკისრია ოფიციალური როლი მთავრობაში ან პარტიაში, არის ის ადამიანი რომელიც რეალურად აკონტროლებს ამ პროცესებს და ის ადამიანები, რომლებიც ასრულებენ მის ბრძანებებს მათაც უნდა შეეხოთ სანქციები. თუმცა ნამდვილად დავიწყებდი ამ ყველაფერს ივანიშვილით.

 

ჩემთვის ძალიან დიდი გულისტკივილია, როცა ვამბობ, რომ საქართველოში უნდა დავაწესოთ კონკრეტული, მიზანმიმართული, ინდივიდუალური სანქციები, რომლებიც არ არის მიმართული ქვეყნის და ქართველი ხალხის წინააღმდეგ, არამედ იმ ადამიანების მიმართ, რომლებიც პასუხისმგებელნი არიან ამჟამინდელ სირთულეებზე და  მგონი ეს რიტორიკა და ქცევა გაგრძელდება თუ არ შემოვიღებთ ამ სანქციებს და შეწყდება მხოლოდ და მხოლოდ სანქციების დაწესების შემდეგ.

 

ამჟამად სანქციების გარეშე ქვეყანა აშკარად მიდის არასწორი მიმართულებით. მიზანმიმართული სანქციებით ვფიქრობ, არის შესაძლებლობა მოხდეს იმის დემონსტრირება, რომ აუცილებლად მოჰყვება შესაბამისი სასჯელი, შესაბამისი საფასური ქართული მთავრობის მიერ ამჟამინდელი ქცევის გაგრძელებას“,- აცხადებს  ჯორჯ ბუშის საპრეზიდენტო ცენტრის აღმასრულებელი დირექტორი. 

 

 

 

წყარო :  /www .pia.ge/

წაკითხულია : 235


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები